గురువారం, 28 మార్చి 2024
  1. వార్తలు
  2. తెలుగు వార్తలు
  3. అంతర్జాతీయ వార్తలు
Written By కుమార్ దళవాయి
Last Modified: బుధవారం, 20 మార్చి 2019 (18:29 IST)

రేప్ చేసి యువతి బట్టలు తీసుకుని పరారైన కామాంధుడు...

చట్టాలు కఠినంగా ఉండే దుబాయ్‌లో పట్టపగలే దారుణం జరిగింది. పట్టపగలే పార్కులో ఒక యువతిని అత్యాచారం చేసి ఆమె దుస్తులు తీసుకుని పారిపోయాడు. దుబాయ్‌లో ఓ పబ్లిక్ పార్క్ వద్ద యువజంట నడుస్తూ వెళ్తుండగా ఒక వ్యక్తి వారిని అడ్డగించాడు.

తనను తాను ప్రభుత్వ అధికారిగా పరిచయం చేసుకున్న ఆ వ్యక్తి 'మీరు ఎవరు, ఇక్కడ ఏం చేస్తున్నారు' అంటూ వారిని భయపెట్టే విధంగా ప్రశ్నలు కురిపించాడు. గుర్తింపు కార్డులు చూపించాలని లేకుంటే అరెస్ట్ చేస్తానని బెదిరించడంతో, గుర్తింపు కార్డులను ఇంటి దగ్గరే మర్చిపోయానని, సమీపంలోనే తన ఇల్లు ఉందని వెంటనే తీసుకొస్తానని చెప్పి యువతిని అక్కడే వదిలేసి ఆ యువకుడు వెళ్లిపోయాడు.
 
గుర్తింపు కార్డుల కోసం ఇంటికెళ్లిన తన స్నేహితుడి కోసం ఆ యువతి అక్కడే ఒంటరిగా ఉండటంతో ఆమెపై కన్నేసిన ఆ వ్యక్తి ఆమెను సమీపంలోని పొదల్లోకి లాక్కెళ్లాడు. అక్కడ ఆమె దుస్తులన్నింటినీ బలవంతంగా విప్పి ఆమెపై అత్యాచారం చేసి, ఆమె దుస్తులు తీసుకుని అక్కడి నుండి పరారయ్యాడు. 
 
బట్టలు లేకపోవడంతో బయటకురాలేని ఆ యువతి అటువైపుగా వెళ్తున్న వారిని సాయం కోరడంతో స్థానికులు ఆమెను కాపాడి దుస్తులు అందించారు. కొద్దిసేపటికి ఆమె స్నేహితుడు రావడంతో ఇద్దరూ వెళ్లి స్థానిక పోలీస్ స్టేషన్‌లో ఫిర్యాదు చేసారు. కేసు నమోదు చేసిన పోలీసులు సీసీటీవీ ఫుటేజ్ ఆధారంగా నిందితుడిని గుర్తించారు. నిందితుడు ఆ పార్కులో పనిచేసే వ్యక్తిగా గుర్తించారు.