మైక్రోసాఫ్ట్ సీఈవో సత్య నాదెళ్ల వార్షిక వేతనం రూ.516 కోట్లు!
వరల్డ్ ఐటీ దిగ్గజం మైక్రోసాఫ్ట్ ఈసీవో సత్య నాదెళ్ల వార్షిక వేతనం ఎంతో తెలుసా? అక్షరాలా రూ.516 కోట్లు. 2014 జూన్‌తో ముగిసిన సంవత్సరానికి 8.43 కోట్ల డాలర్లు (516 కోట్ల రూపాయలు) వార్షిక వేతనం అందుకున్నారు. అయితే, గత 2013లో ఆయన వార్షిక వేతనం 76.6 లక్షల డాలర్లే (కజ.47 కోట్లు) మాత్రమే. దీంతో పోలిస్తే సీఈవో వార్షిక వేతనం పదిరెట్లు పెరిగింది.
ఐటి రంగంలో అత్యధిక వేతనం తీసుకుంటున్న సీఈవోల్లో సత్య నాదెళ్ల ఒకరు. 2014 వేతన ప్యాకేజ్‌లో ఆయన వేతనం 9.18 లక్షల డాలర్లు, బోనస్‌ 36 లక్షల డాలర్లు. స్టాక్స్‌ కింద 7.97 కోట్ల డాలర్లు చెల్లించినట్లు కంపెనీ వెల్లడించింది. మొత్తం వేతన ప్యాకేజీలో స్టాక్స్‌ వాటానే అధికంగా ఉండటం గమనార్హం.
