శుక్రవారం, 29 మార్చి 2024
  1. వార్తలు
  2. తెలుగు వార్తలు
  3. అంతర్జాతీయ వార్తలు
Written By PNR
Last Updated : శుక్రవారం, 3 జులై 2015 (09:54 IST)

మహిళను కౌగిలించుకుని.. పదవిని పోగొట్టుకున్న మంత్రి.. ఎవరు.. ఎక్కడ?

అధికారాన్ని అనుభవించే రాజకీయనేతలు క్షణికావేశంలో తమ విచక్షణను కోల్పోతున్నారు. ఫలితంగా లేనిపోని చిక్కుల్లో పడుతున్నారు. మంత్రి ఒకరు తన అధికారదర్పంతో ఓ మహిళను కౌగిలించుకుని మంత్రిపదవిని పొగొట్టుకున్న ఘటన నేపాల్‌లో చోటుచేసుకుంది. ఆ మంత్రి పేరు హరిప్రసాద్ పరాజులి. ఈయన నిర్వహిస్తూ వచ్చిన శాఖ వ్యవసాయం. 
 
సాధారణంగా ప్రతి యేడాది నేపాల్‌లో వరినాట్ల వేడుకలను వ్యవసాయశాఖ నిర్వహించడం ఆనవాయితీగా వస్తోంది. ఈ యేడాది కూడా నేపాల్‌లో ఈ వేడుకలను నిర్వహించగా, ఈ వేడుకలకు మంత్రి హరిప్రసాద్ ముఖ్యఅతిథిగా హాజరయ్యారు. అంతటితో ఆగని మంత్రి... ఈ వేడుకలకు హాజరైన ఓ మహిళను కౌగిలించుకున్నారు. ఆసమయంలో అక్కడే ఉన్న మీడియా మంత్రిగారి నిర్వాకాన్ని తమ కెమెరాల్లో క్లిక్‌మనిపించింది. ఈ ఫోటోలు కొన్ని గంటల్లో సోషల్ మీడియాలో కనిపించాయి. 
 
మహిళను కౌగిలించుకోవడం ఖచ్చితంగా లైంగిక వేధింపులేనని సామాజిక మాధ్యమాల్లో తివ్రమైన విమర్శలు వచ్చాయి. హరిప్రసాద్ వ్యవహారశైలిపై సొంత పార్టీ సీపీఎన్ - యూఎంఎల్ నేతలు కూడా అభ్యంతరాలు వ్యక్తంచేశారు. దీంతో ఆయన తన పదవికి రాజీనామా చేయకతప్పలేదు. హరిప్రసాద్ రాజీనామాను ప్రధానమంత్రి సుశీల్ కొయిరాలా కూడా ఏమాత్రం ఆలస్యం చేయకుండా క్షణాల్లో ఆమోదించారు. పాపం.. హరిప్రసాద్.