గురువారం, 28 మార్చి 2024
  1. వార్తలు
  2. తెలుగు వార్తలు
  3. అంతర్జాతీయ వార్తలు
Written By pnr
Last Updated : ఆదివారం, 9 ఏప్రియల్ 2017 (15:59 IST)

హద్దుమీరితే అణుదాడికి వెనుకాడం.. అమెరికాకు ఉ.కొరియా హెచ్చరిక

అగ్రరాజ్యం అమెరికాకు ఉత్తర కొరియా హెచ్చరిక చేసింది. హద్దు మీరితే అణు దాడికి సైతం వెనుకాడబోమని తేల్చి చేప్పింది. దీంతో అమెరికా- ఉత్తరకొరియా మధ్య వైరం మరింత జఠిలంగా మారనుంది. అమెరికాకు చెందిన నావికాదళ

అగ్రరాజ్యం అమెరికాకు ఉత్తర కొరియా హెచ్చరిక చేసింది. హద్దు మీరితే అణు దాడికి సైతం వెనుకాడబోమని తేల్చి చేప్పింది. దీంతో అమెరికా- ఉత్తరకొరియా మధ్య వైరం మరింత జఠిలంగా మారనుంది. అమెరికాకు చెందిన నావికాదళ బృదం ఉత్తరకొరియా ద్వీపం సమీపంలోకి వెళ్లింది. దికార్ల్‌ విన్సాన్‌ స్ట్రైక్‌ గ్రూప్‌గా పిలిచే బృందం యుద్దనౌకలు, విమాన వాహకనౌకతో సహా ఆ ప్రాంతానికి వెళ్లాయి. అమెరికాలోని పసిఫిక్‌ కమాండ్‌ ఆదేశాల మేరకు అవి వెళ్లినట్లు సమాచారం. దీనిపై ఉత్తర కొరియా తీవ్ర ఆగ్రహం వ్యక్తం చేసింది. 
 
అలాగే, సిరియాలో ఇటీవ‌ల జ‌రిగిన ర‌సాయ‌న దాడికి ప్రతిగా షైరత్ వైమానిక స్థావరంపై అమెరికా క్షిపణులతో దాడి చేసిన విష‌యం తెలిసిందే. అయితే, అమెరికా చ‌ర్య‌ను ఉత్త‌ర‌కొరియా కూడా త‌ప్పుబ‌ట్టింది. ఒక సార్వభౌమాధికార దేశంపై చేసిన ఈ దాడి ఏమాత్రం సమ్మతించదగినది కాదని ఆగ్ర‌హం వ్య‌క్తం చేసింది. 
 
ఆ చ‌ర్య‌ క్షమించరానిదని, ఈ దాడి త‌మ‌కు చేసిన హెచ్చరికగా భావిస్తున్నామ‌ని ఉత్త‌ర కొరియా పేర్కొంది. ఇలాంటి దాడులు త‌మ దేశంపై కూడా ఏ క్షణమైనా జరగవ‌చ్చని అమెరికా పరోక్షంగా తెలిపిందని వ్యాఖ్యానించింది. అందుకే తాము త‌మ‌ సైనిక సంపత్తిని పెంచుకోవడంపై మరింత వేగాన్ని పెంచుతామ‌ని హెచ్చ‌రించింది. త‌మ‌కు తగిన సమయం వచ్చినప్పుడు తగిన విధంగా బదులిస్తామ‌ని ప్ర‌క‌టించింది.