గురువారం, 28 మార్చి 2024
  1. వార్తలు
  2. తెలుగు వార్తలు
  3. అంతర్జాతీయ వార్తలు
Written By selvi
Last Updated : బుధవారం, 25 ఏప్రియల్ 2018 (11:21 IST)

కిమ్ నిజంగా చాలా మంచోడు- చాలా ఓపెన్ మైండెడ్: డొనాల్డ్ ట్రంప్

అమెరికా అధ్యక్షుడు డొనాల్డ్ ట్రంప్ ఉత్తర కొరియా అధ్యక్షుడు కిమ్ జాంగ్ ఉన్‌పై ప్రశంసలు కురిపించారు. నిన్నటి వరకు కిమ్‌పై కారాలు మిరియాలు నూరిన డొనాల్డ్ ట్రంప్.. ఒక్కసారిగా కిమ్‌ను పొగిడేశారు. త్వరలోనే

అమెరికా అధ్యక్షుడు డొనాల్డ్ ట్రంప్ ఉత్తర కొరియా అధ్యక్షుడు కిమ్ జాంగ్ ఉన్‌పై ప్రశంసలు కురిపించారు. నిన్నటి వరకు కిమ్‌పై కారాలు మిరియాలు నూరిన డొనాల్డ్ ట్రంప్.. ఒక్కసారిగా కిమ్‌ను పొగిడేశారు. త్వరలోనే అతనిని కలుస్తానని చెప్పారు. ప్రపంచంలో కిమ్ లాంటి గౌరవప్రదమైన వ్యక్తే లేడని ఆకాశానికెత్తేశారు.


తామిద్దరం కలుసుకుంటామని ఇప్పటికే ఈ విషయాన్ని చెప్పేశాం. త్వరలో కిమ్‌తో భేటీ జరుగుతుందని ఫ్రెంచ్ అధ్యక్షుడు ఎమ్మాన్యుయేల్ మాక్రాన్‌తో కలిసి నిర్వహించిన సంయుక్త మీడియా సమావేశంలో ట్రంప్ వెల్లడించారు. 
 
అంతేకాకుండా కిమ్‌తో తన భేటీ ప్రపంచానికి గొప్ప విషయమని తెలిపారు. ఇంకా కిమ్ చాలా మంచోడని.. తానిప్పటి వరకు అతడిని గమనించిన దానిని బట్టి అతడు చాలా ఓపెన్ మైండెడ్ అంటూ ట్రంప్ పేర్కొన్నారు. కాగా కిమ్‌పై గత ఏడాది డొనాల్డ్ ట్రంప్ ఫైర్ అయ్యారు. ''లిటిల్ రాకెట్ మ్యాన్'' అంటూ అపహాస్యం చేశారు.

నార్త్ కొరియాపై సైనిక చర్య తప్పదని హెచ్చరించారు. మరోసారి రెచ్చగొడితే ప్రపంచపటం నుంచి ఆ దేశాన్ని తుడిచిపెట్టేస్తామని తీవ్రస్థాయిలో హెచ్చరించారు. ట్రంప్ హెచ్చరికలకు కిమ్ కూడా అంతే ధీటుగా బదులిచ్చారు.