శుక్రవారం, 29 మార్చి 2024
  1. వార్తలు
  2. తెలుగు వార్తలు
  3. అంతర్జాతీయ వార్తలు
Written By ivr
Last Updated : బుధవారం, 22 అక్టోబరు 2014 (12:17 IST)

అమ్మాయి ఫ్యాంటులో పేలిన ఐ ఫోన్... ఫైర్ మార్షల్ దర్యాప్తు

ఫోనులు చెవి దగ్గర పెట్టుకుని మాట్లాడటం చాలా డేంజర్ అని వాటికి ఇయర్ ఫోన్లను ఇస్తున్న సంగతి తెలిసిందే. ఐతే తాజాగా అమెరికాలో ఎనిమిదో తరగతి చదువుతున్న బాలిక ప్యాంటు జేబులో పెట్టుకున్న ఐ ఫోన్ ఒక్కసారిగా పేలడంతో ఆమె ప్యాంటు కాలిపోయి తీవ్ర గాయాలపాలయింది. ఆమె తరగతి గదిలో ఉండగానే ఈ ఘటన చోటుచేసుకుంది. ఫ్యాంటు జేబులో ఉన్న ఐ ఫోన్ పేలడంతో ఆమెకు తొడ మీద, వీపు మీద గాయాలయ్యాయి. 
 
వివరాల్లోకి వెళితే... మైనె ప్రాంతంలోని కెన్నెబంక్స్ మిడిల్ స్కూల్లో బాధిత బాలిక తొమ్మిదో తరగతి చదువుతోంది. ఆ అమ్మాయి తాను వేసుకున్న ప్యాంటు కాలిపోతోందని చెప్పడంతో వెంటనే క్లాసులోని పిల్లలందరినీ బయటకు పంపారు. 
 
ఆ తర్వాత గదిలో ఓ మూలకు వెళ్లిపోయిన బాలిక ప్యాంటు తీసేసిన తర్వాత స్కూల్లో ప్రాథమిక చికిత్స చేసి ఆస్పత్రికి తరలించామని పాఠశాల ప్రిన్సిపాల్ తెలిపారు. కాగా ఈ ఫోన్ ఎందుకు పేలిందన్న విషయాన్ని ఆ రాష్ట్ర ఫైర్ మార్షల్ దర్యాప్తు చేస్తున్నారు. ఫోన్ విఫలమైందని తేలితే సదరు ఫోన్ తయారీ సంస్థకు జరిమానా విధిస్తారని అంటున్నారు.