నేను క్రిమినల్ కావొచ్చు.. టీవీల్లో అందంగా ఉండే ఫోటోలు చూపించాలి
నేను క్రిమినల్ కావొచ్చు.. కానీ టీవీల్లో చూపించే నా ఫోటోలు అందంగా ఉండేలా చూడాలని మోస్ట్ వాంటెడ్ క్రిమినల్ వింత కోరిక కోరింది. తాజాగా వెలుగులోకి వచ్చిన ఈ వివరాలను పరిశీలిస్తే..
నేను క్రిమినల్ కావొచ్చు.. కానీ టీవీల్లో చూపించే నా ఫోటోలు అందంగా ఉండేలా చూడాలని మోస్ట్ వాంటెడ్ క్రిమినల్ వింత కోరిక కోరింది. తాజాగా వెలుగులోకి వచ్చిన ఈ వివరాలను పరిశీలిస్తే..
ఆస్తికి సంబంధించి నేరానికి పాల్పడిందన్న కారణంగా అరెస్టయిన అమీ షార్ప్ గత వారంలో సిడ్నీలోని పోలీసు స్టేషన్ నుంచి తప్పించుకుంది. ఆమెను వెతికే ప్రయత్నంలో పోలీసులు అందజేసిన ఒక ప్రకటనతో పాటు, ఆమెకు చెందిన రెండు ఫోటోలను టీవీ ఛానెల్స్ ప్రసారం చేశాయి. 7 న్యూస్ టీవీ ఛానెల్ ఫేస్బుక్లో ఆ ఫోటోలు అప్లోడ్ చేశారు. ఈ కథనం, ఫోటోలపై మొదటగా స్పందించింది కూడా అమీ షార్పే కావడం విశేషం.
'ఈ ఫోటోను ఉపయోగించండి... ప్లీజ్' అంటూ తన అభ్యర్థనను ఒక ఫోటోను కూడా జతచేసింది. టీవీ ఛానెల్స్ ప్రసారం చేసిన తన ఫోటో పేలవంగా ఉందని కూడా వాపోయింది. అమీ షార్ప్ అభ్యర్థనపై నెటిజన్ల నుంచి పెద్దఎత్తున స్పందనలు వచ్చాయి. 'ఆహా ఎలాంటి కళాత్మకమైన ఆలోచన. నేరస్థులను పట్టుకునేందుకు పోలీసులకు ఇదో కొత్త మార్గం కావచ్చు. అత్యంత పేలవంగా ఉన్న ఫోటోలు ప్రచురిస్తే నేరస్థులు తమంత తాముగా బయటకు వస్తారు. వారిని పట్టుకోవడం సులువు అవుతుంది కూడా' అని ఫేస్ బుక్ యూజర్ బెస్ సేక్విల్లే కామెంట్ చేశారు.