Widgets Magazine

ఐపీఎల్ 11- చెలరేగిన నరైన్.. 75 పరుగులతో సూపర్ ఇన్నింగ్స్.. కేకేఆర్ విన్

ఆదివారం, 13 మే 2018 (11:01 IST)

ఐపీఎల్ పదకొండో సీజన్లో భాగంగా ఇండోర్ వేదికగా కింగ్స్ ఎలెవెన్ పంజాబ్‌తో జరిగిన మ్యాచ్‌లో కోల్‌కతా నైట్ రైడర్స్ ఘన విజయం సాధించింది. తొలుత బ్యాటింగ్ చేసిన కోల్‌కతా 6 వికెట్లు కోల్పోయి 245 పరుగుల రికార్డు స్కోరు సాధించింది. ఓపెనర్లు సునీల్‌ నరైన్‌, క్రిస్‌ లిన్‌లు ఇన్నింగ్స్‌‌ను ధాటిగా ఆరంభించారు. తొలి వికెట్‌కు 53 పరుగులు జోడించిన తర్వాత 27 పరుగులు చేసి లిన్‌ ఔటయ్యాడు.
 
అనంతరం నరైన్‌తో జతకట్టిన రాబిన్‌ ఉతప్ప.. ఇన్నింగ్స్‌‌ను ముందుకు తీసుకెళ్లాడు. ముఖ్యంగా నరైన్‌ అద్భుతంగా రాణించాడు. 36 బంతుల్లో 9 ఫోర్లు, 4 సిక్సర్లతో 75 పరుగులతో అదుర్స్ అనిపించాడు. అలాగే రస్సెల్ 31 పరుగులు సాధించాడు. ఇక దినేష్ కార్తీక్ 22 బంతుల్లో 5 ఫోర్లు, 3 సిక్సర్లతో అర్థసెంచరీని పూర్తి చేశాడు. పంజాబ్  బౌలర్లలో ఆండ్రూ టై నాలుగు వికెట్లు సాధించగా, బరిందర్‌ శ్రాన్‌, మోహిత్‌ శర్మ తలో వికెట్‌ తీశారు.
 
భారీ లక్ష్యాన్ని ఛేదించేందుకు బరిలోకి దిగిన పంజాబ్‌ పోరాడి ఓడింది. కోల్‌కతా నిర్దేశించిన 246 పరుగుల లక్ష్యాన్ని ఛేదించే క్రమంలో చివరి బంతి వరకూ పోరాటాన్ని కొనసాగించింది. చివరికి నిర్ణీత ఓవర్లలో ఎనిమిది వికెట్లు కోల్పోయి 214 పరుగులకు పరిమితమై 31 పరుగుల తేడాతో పరాజయం పాలైంది. 
 
కింగ్స్‌ ఎలెవన్ ఆటగాళ్లలో కేఎల్‌ రాహుల్‌ 66 పరుగులతో మరోసారి మెరిశాడు. ‌క్రిస్‌ గేల్‌ 21, అరోన్‌ ఫించ్‌ 34, అశ్విన్‌ 45 పరుగులు చేసినా లక్ష్యాన్ని చేధించలేకపోయారు. కోల్‌కతా బౌలర్లలో రస్సెల్‌ మూడు వికెట్లు సాధించగా, నరైన్‌, ప్రసిధ్‌ కృష్ణ, కుల్దీప్‌ యాదవ్‌, సీర్లెస్‌లు తలో వికెట్‌ తీశారు.


Widgets Magazine
Widgets Magazine

దీనిపై మరింత చదవండి :  

Loading comments ...

క్రికెట్

news

ఐపీఎల్ -11: సన్‌రైజర్స్‌దే అగ్రస్థానం.. రైనా, ఆండ్రూల రికార్డ్ అదుర్స్

వేసవిలో క్రికెట్ అభిమానుల్లో జోష్ నింపుతున్న ఇండియన్ ప్రీమియర్ లీగ్ పదకొండో దశ (ఐపీఎల్ ...

news

అనిల్ కుంబ్లే ట్వీట్.. సోషల్ మీడియాలో వైరల్.. ఇంతకు అదేంటి?

కర్ణాటక ఎన్నికల పోలింగ్ జోరుగా సాగుతున్న వేళ అదే రాష్ట్రానికి చెందిన మాజీ క్రికెటర్ అనిల్ ...

news

చెన్నై విజయాలకు బ్రేక్.. బట్లర్ అదుర్స్.. రంగు మార్చిన రాజస్థాన్

కాసుల వర్షం కురిపించే ఐపీఎల్‌లో చెన్నై సూపర్ కింగ్స్‌కు రాజస్థాన్ చుక్కలు చూపించింది. ఈ ...

news

సెహ్వాగ్‌పై ప్రీతి జింటా విమర్శలు.. కోచ్ బాధ్యతలు వీరూ వద్దనుకున్నాడా?

ఐపీఎల్‌లో భాగంగా రాజస్థాన్ రాయల్స్‌తో జరిగిన ఐపీఎల్‌ మ్యాచ్‌లో పంజాబ్ జట్టు ఓటమికి ...

Widgets Magazine