మంగళవారం, 19 మార్చి 2024
  1. ఆధ్యాత్మికం
  2. ఆధ్యాత్మికం వార్తలు
  3. కృష్ణా పుష్కరాలు 2016
Written By JSK
Last Updated : బుధవారం, 3 ఆగస్టు 2016 (18:09 IST)

కృష్ణా పుష్క‌రాల 12 రోజుల్లో... ఏయే రోజు ఏ దానం...?

విజ‌య‌వాడ‌: ఆగ‌స్టు 12 నుంచి 23 వరకూ 12 రోజుల పాటు కృష్ణా పుష్క‌రాలు జ‌రుగుతున్నాయి. ఈ స‌మ‌యంలో పితృక‌ర్మ‌ల‌తో పాటు పుష్క‌రుడికి ఏ రోజు ఏదానం చేస్తే ఏ ఫ‌లితం ఉంటుందో తెలుసుకుందాం. మొదటి రోజు: బంగారం,

విజ‌య‌వాడ‌: ఆగ‌స్టు 12 నుంచి 23 వరకూ 12 రోజుల పాటు కృష్ణా పుష్క‌రాలు జ‌రుగుతున్నాయి. ఈ స‌మ‌యంలో పితృక‌ర్మ‌ల‌తో పాటు పుష్క‌రుడికి ఏ రోజు ఏదానం చేస్తే ఏ ఫ‌లితం ఉంటుందో తెలుసుకుందాం.
 
మొదటి రోజు: బంగారం, వెండి, ధాన్యం, భూమి దానం చేయాలి.
ఫలితం: బంగారం, వెండి దానం చేయడం వల్ల ఇహలోక సుఖభోగాలతో పాటు సూర్యచంద్ర లోకాల ప్రాప్తి కలుగుతుంది. భూదానం వల్ల భూపతిత్వం వస్తుంది. ధాన్య దానం వల్ల కుబేర సంపద కలిగిస్తుంది.
 
రెండో రోజు: గోవు, వస్త్రం, రత్నం, లవణ దానాలు చేయాలి.
ఫలితం: గోవు దానం చేయడం వల్ల రుద్రలోక ప్రాప్తి, వస్త్ర దానం వల్ల వసులోక ప్రాప్తి, రత్న దానం వల్ల సార్వభౌమత్వం, లవణ దానం వల్ల శరీర ఆరోగ్యం కలుగుతాయి.
 
మూడో రోజు: శాఖ, ఫల, గుడాలు (గుగ్గిళ్లు), అశ్వదానాలు చేయాలి.
ఫలితం: కుబేర, అశ్వనీ దేవతాలోక సౌఖ్యాలు అనుభవించి, ఇంద్రసమాన వైభవం పొందుతారు.
 
నాలుగవ రోజు: పాలు, తేనె, నెయ్యి, నూనె దానం చేయాలి.
ఫలితం: పాలు దానం చేస్తే సిరిసంపదలు కలుగుతాయి. తేనె దానం చేస్తే వైకుంఠ నగర ప్రవేశం, ఘృత (నెయ్యి) దానం వల్ల ఆయువు వృద్ధి చెందుతుంది. తైల(నూనె) దానం వల్ల నరక నివారణ కలుగుతుంది.
 
ఐదో రోజు: ధాన్యం, బండి, గేదె, ఎద్దులను దానంగా ఇవ్వాలి.
ఫలితం: ఈ దానాల వల్ల దివ్యమైన భోగభాగ్యాలతో కైలాస నివాసం కలుగుతుంది.
 
ఆరో రోజు: అగరు, కస్తూరి, చందన దానాలు చేయాలి. ఔషధ దానం అంటే వట్టివేరు, జాజికాయ, జాపత్రి, కరక్కాయ వంటివి దానం చేయాలి.
ఫలితం: ఆరోగ్యం, భాగ్యం, లక్ష్మీ కటాక్షం కలుగుతుంది. ఇంద్ర, చంద్ర, గంధర్వ లోక నివాసం కలుగుతుంది. 
 
ఏడో రోజు: గృహ, పీఠ, శయ్యా, ఆందోళికా దానాలు చేయాలి.
ఫలితం: చిరకాల సౌఖ్యం, అమరత్వం, మరు జన్మలో ప్రభుత్వ అధికారం లభిస్తాయి.
 
ఎనిమిదో రోజు: గంధ, దారు, పుష్పమాలా దానాలు చేయాలి.
ఫలితం: ఇంద్రలోకంలో దివ్యమైన శుభాలు ప్రాప్తిస్తాయి.
 
తొమ్మిదో రోజు: పిండదానం, పితృదేవతా ఆరాధనం చేయాలి. దాసీ, శయ్యా, కంబళ దానాలు ఇవ్వాలి.
ఫలితం: పితృదేవతల అనుగ్రహం వల్ల వంశవృద్ధి కలుగుతుంది. స్వర్గ సుఖాలు లభిస్తాయ‌ని శాస్త్రాలు చెపుతున్నాయి.
 
పదవ రోజు: మహాశాక, సాలగ్రామ, పుస్కక దానము చేయాలి
 
పదకొండవ రోజు: గజ తురగాది దానములు
పన్నెండవ రోజు: తిలా దానము