ఉలిక్కిపడ్డ పూణె... కుప్పకూలిన ఏడంతస్థుల భవనం..
మహారాష్ట్రలోని పూణెలో శుక్రవారం వేకువజామున ఏడు అంతస్థుల భవనం కుప్పకూలింది. పూణెలోని భుమకార్ మాలా ప్రాంతంలో నిర్మాణ దశలో ఉన్న ఒక ఏడు అంతస్థుల భవనం అకస్మాత్తుగా భారీ శబ్దంతో కూలిపడింది.
వేకువజామున మూడు గంటల సమయంలో అందరూ గాఢ నిద్రలో ఉండగా ఒక్క సారిగా భవనం కుప్పకూలడంతో పూణె నగరం ఉల్లిక్కి పడింది. సమాచారం అందుకున్న వెంటనే పోలీసులు, రెస్క్యూ టీమ్ హుటాహుటిన సంఘటనా స్థలానికి చేరుకు సహాయక చర్యల్లో నిమగ్నమయ్యారు.
కుప్పకూలిన ఈ భవనం శిథిలాల కింద నలుగురు వ్యక్తులు చిక్కుకున్నట్టు ప్రాధమిక సమాచారం ద్వారా తెలుస్తోంది. అయితే పోలీసులు మాత్రం శిథిలాల్లో ఇంకా ఎక్కువ మందే చిక్కుకుని ఉంటారని సందేహం వ్యక్తం చేస్తున్నారు. ఇంకా వివరాలు తెలియాల్సి ఉంది.
