బతికుండగానే నీ చర్మం వలిచేస్తా: పోలీస్ అధికారికి ప్రియాంకా సింగ్ వార్నింగ్
బీజేపీ ఎంపీలు నోటి దురుసు అందరికీ తెలిసిందే. అయితే తాజాగా ఓ పోలీస్ అధికారి తప్పుగా ప్రవర్తిస్తున్నాడని, అవినీతికి పాల్పడుతున్నాడని ప్రియాంక సింగ్ రావత్ అనే బీజేపీ నేత, బారబాంకీ ఎంపీ నోటికి పనిచెప్పారు
బీజేపీ ఎంపీలు నోటి దురుసు అందరికీ తెలిసిందే. అయితే తాజాగా ఓ పోలీస్ అధికారి తప్పుగా ప్రవర్తిస్తున్నాడని, అవినీతికి పాల్పడుతున్నాడని ప్రియాంక సింగ్ రావత్ అనే బీజేపీ నేత, బారబాంకీ ఎంపీ నోటికి పనిచెప్పారు. బహిరంగంగానే ఆ పోలీసు అధికారిని తీవ్రంగా హెచ్చరించారు. "నీ దగ్గర వున్న ఆస్తుల్ని స్వాధీనం చేసుకుంటా.. అంతేగాకుండా బతికుండగానే నీ చర్మం వలిచేస్తా" అంటూ గ్యానాంజయ్ సింగ్ అనే పోలీసు మీడియా ముందు నిల్చుని ఫోనులో హెచ్చరించారు.
కేంద్రంలో ప్రధాన మంత్రి నరేంద్ర మోడీ ఉన్నారని.. ఆయన ఏమాత్రం అవినీతిని సహించరనే విషయాన్ని ప్రియాంక సింగ్ గుర్తు చేశారు. అలాగే యూపీలో యోగి ఆదిత్యానాథ్‌ ఉన్నారు. ఎవరు పనిచేస్తారో వారు మాత్రమే ఈ జిల్లాలో ఉండండి. వారి ప్రవర్తన మారకుంటే మాత్రం మేం చాలా కఠినమైన చర్యలు తీసుకుంటామని హెచ్చరించారు.
