శుక్రవారం, 29 మార్చి 2024
  1. వార్తలు
  2. తెలుగు వార్తలు
  3. జాతీయ వార్తలు
Written By ivr
Last Modified: బుధవారం, 18 జనవరి 2017 (16:34 IST)

ఎంత పని చేశావు లిడియా? ప్రియుడు ఒప్పుకోలేదని యాసిడ్ దాడి, బ్లేడుతో పీక కోయాలని....

ప్రేమోన్మాదులు అమ్మాయిలపై దాడులు చేయడం, యాసిడ్ దాడులు చేయడం, హత్యలు చేయడం... తదితర వార్తలను మనం చూస్తుంటాం. కానీ ఇక్కడ సీన్ రివర్స్ అయ్యింది. తన ప్రియుడు చెప్పిన మాట వినలేదనే కసితో ఓ ప్రియురాలు ఎంచుకున్న మార్గం చూస్తే గుండె గుభేలుమంటుంది. బెంగళూరులో

ప్రేమోన్మాదులు అమ్మాయిలపై దాడులు చేయడం, యాసిడ్ దాడులు చేయడం, హత్యలు చేయడం... తదితర వార్తలను మనం చూస్తుంటాం. కానీ ఇక్కడ సీన్ రివర్స్ అయ్యింది. తన ప్రియుడు చెప్పిన మాట వినలేదనే కసితో ఓ ప్రియురాలు ఎంచుకున్న మార్గం చూస్తే గుండె గుభేలుమంటుంది. బెంగళూరులో జరిగిన ఈ ఘటన వివరాలు ఇలా వున్నాయి.
 
26 ఏళ్ల లిడియా ఓ ప్రైవేటు ఆసుపత్రిలో నర్సుగా పనిచేస్తోంది. బట్టల దుకాణం నడిపే 32 ఏళ్ల జయకుమార్ తో మాట కలిసింది. ఇద్దరూ ప్రేమించుకున్నారు. ఈ క్రమంలో ఇద్దరం పెళ్లాడుదామంటూ అతడిని అడిగింది. జయకుమార్ ఓకే అన్నాడు. ఐతే ఇంతలోనే ఓ ట్విస్టు ఇచ్చింది. తనను పెళ్లాడాలంటే తన మతంలోకి మారాలని కోరింది. అందుకు జయకుమార్ అంగీకరించలేదు. పెళ్లి చేసుకుంటాను తప్పించి మతం మారేది లేదని స్పష్టం చేశాడు. దీనితో లిడియా కసి పెంచుకుంది. 
 
పైగా తనను కాదన్న జయకుమార్ మరో అమ్మాయిని పెళ్లాడేందుకు సిద్ధమవుతున్నట్లు వార్తలు తెలుసుకుంది. అతడిని ఎలాగైనా హత్య చేయాలని తన సమీప బంధువుడిని ఒకడిని వెంటబెట్టుకుని గుడికి వెళ్లి వస్తున్న జయకుమార్ పైన యాసిడ్ దాడి చేసింది. అతడు కింద పడగానే బ్లేడుతో అతడి గొంతు కోసేందుకు ప్రయత్నం చేసింది. ఐతే ఇంతలో జనం పెద్దఎత్తున గుమిగూడటంతో ఆమె ప్లాన్ రివర్స్ అయ్యింది. గాయాలపాలైన జయకుమార్ ను స్థానికులు ఆసుపత్రికి తరలించారు. లిడియాను హత్యా యత్నం నేరం కింద పోలీసులు అరెస్టు చేశారు.