జుట్టు కత్తిరించేటప్పుడు స్పృహ కోల్పోతున్నాం.. రక్షించండి..

హర్యానాలో వున్న ఓ గ్రామంలో మహిళల జుట్టు చోరీకి గురవుతున్నాయి. మర్మమైన రీతిలో మహిళల జుట్టును కత్తిరించుకుంటున్న వ్యక్తుల కోసం పోలీసులు గాలింపులు చేపట్టారు. ఏ కారణం చేత మహిళల జుట్టును కత్తిరిస్తున్నారు.

హర్యానాలో వున్న ఓ గ్రామంలో మహిళల జుట్టు చోరీకి గురవుతున్నాయి. మర్మమైన రీతిలో మహిళల జుట్టును కత్తిరించుకుంటున్న వ్యక్తుల కోసం పోలీసులు గాలింపులు చేపట్టారు. ఏ కారణం చేత మహిళల జుట్టును కత్తిరిస్తున్నారు.. ఎవరు ఈ పని చేస్తున్నారో.. అనేది ఇంకా తెలియరాలేదు. ఇప్పటివరకు 15కి మించిన మహిళల జుట్టును ఆచూకీ తెలియని వ్యక్తులు కత్తిరించుకుని వెళ్ళిపోయారు.

అంతేగాకుండా.. జుట్టు కత్తిరించే సమయంలో స్పృహ కోల్పోతున్నట్లు బాధిత మహిళలు వాపోతున్నారు. తమ జుట్టును పిల్లి శూన్యం వంటి చేతబడులకు ఉపయోగిస్తారేమోనని బాధిత మహిళలు భయపడుతున్నారు. దీనిపై పోలీసులు విచారణ చేపట్టాలని వారు డిమాండ్ చేస్తున్నారు. ఈ వెరైటీ కేసుతో పోలీసులు తలపట్టుకున్నారు. మహిళల జుట్టును కత్తిరించే వ్యక్తులను త్వరలోనే అదుపులోకి తీసుకుంటామని హామీ ఇచ్చారు.

కేవలం హర్యానాలోనే కాకుండా ఢిల్లీ, గూర్గాన్ ప్రాంతాల్లోని గ్రామాల్లోనూ ఇలాంటి సంఘటనలు చోటుచేసుకుంటున్నాయని పోలీసులు చెప్తున్నారు. నలుపు రంగు దుస్తుల్లో వచ్చి తమ జుట్టును కత్తిరించుకుంటున్నారని, ఆ సమయంలో తాము స్పృహ కోల్పోతున్నట్లు బాధితులు వెల్లడిస్తున్నారు. ఈ ఘటనపై సీసీ కెమెరాల ఆధారంగా కేసు దర్యాప్తును కొనసాగిస్తున్నామన్నారు.