'ఆ నిర్ణయం ఖరీదు రూ.2 కోట్లు'.. అడ్డంగా దొరికిన దర్యాప్తు సంస్థ అధికారి
ఒక నిర్ణయం ఖరీదు రూ.2 కోట్లు. ఇంత మొత్తంలో లంచం చెల్లించేలా ఒప్పందం కుదుర్చుకోవడంతో తీర్పు అనుకున్నట్టుగానే అనుకూలంగా వచ్చింది. ఆ తర్వాత కథ అడ్డం తిరిగింది. ఒప్పందం మేరకు రూ.2 కోట్ల లంచం పుచ్చుకున్న ద
ఒక నిర్ణయం ఖరీదు రూ.2 కోట్లు. ఇంత మొత్తంలో లంచం చెల్లించేలా ఒప్పందం కుదుర్చుకోవడంతో తీర్పు అనుకున్నట్టుగానే అనుకూలంగా వచ్చింది. ఆ తర్వాత కథ అడ్డం తిరిగింది. ఒప్పందం మేరకు రూ.2 కోట్ల లంచం పుచ్చుకున్న దర్యాప్తు సంస్థ అధికారి అడ్డంగా బుక్కయ్యాడు. ఇపుడు జైలు ఊచలు లెక్కిస్తున్నాడు. తాజాగా వెలుగులోకి వచ్చిన ఈ వివరాలను పరిశీలిస్తే..
ఎస్సార్ గ్రూప్‌ ప్రధాన ధర్మకర్త(ట్రస్టీ)గా ఉన్న బాలాజీ ట్రస్ట్‌ కొనసాగుతోంది. ఈ ట్రస్ట్‌కు ఆదాయ పన్నుకు సంబంధించిన వివాదం తలెత్తింది. ఈ కేసులో ట్రస్ట్‌కు అనుకూలమైన నిర్ణయం వెలువరిస్తే రూ.2 కోట్లు లంచంగా పొందేలా ముంబైలోని ఆదాయపు పన్ను శాఖ అప్పీల్స్‌ విభాగ కమిషనర్‌గా ఉన్న బి.బి.రాజేంద్ర ప్రసాద్‌‌తో ఎస్సార్ గ్రూపు ఎండీ ప్రదీప్ మిట్టల్ ఓ ఒప్పందాన్ని కుదుర్చుకున్నారు.
ఈ కేసు విచారణలో భాగంగా, ఇరువర్గాల వాదోపవాదాలు ఆలకించిన అప్పీల్ విభాగం.. వాస్తవాలకు విరుద్ధంగా ముందుగా కుదుర్చుకున్న ఒప్పందం మేరకు... బాలాజీ ట్రస్ట్‌కు అనుకూలంగా తీర్పును వెలువరించింది. ఆ తర్వాత రూ.2 కోట్ల లంచాన్ని దశలవారీగా లంచం మొత్తాన్ని ట్రస్ట్‌ తరపు వ్యక్తులు చేరవేస్తున్నారు. ఇదే క్రమంలో ట్రస్ట్‌ తరపున ముంబైకి చెందిన ఓ స్థిరాస్తి ఏజెంట్‌ బంధువు నుంచి విశాఖలోని వారి ఏజెంట్‌కు నగదును బదిలీ అయ్యింది. ముంబై నుంచి వచ్చిన రాజేంద్రప్రసాద్‌కు ఆ ఏజెంట్‌ రూ.19.34 లక్షలను అందజేస్తుండగా సీబీఐ అధికారులు పట్టుకున్నారు.
అనంతరం కమిషనర్‌ రాజేంద్రప్రసాద్‌ ఇంటిని తనిఖీ చేయగా రూ.1.50 కోట్ల నగదు కూడా లభించింది. ఈ సొమ్మంతా లంచంగా స్వీకరించిందేనని సీబీఐ అధికారులు నిర్ధరించుకున్నారు. అనంతరం రాజేంద్ర ప్రసాద్‌ను అరెస్ట్‌ చేసి సీబీఐ కోర్టులో ప్రవేశపెట్టగా న్యాయమూర్తి 14 రోజుల రిమాండు విధించారు. 5 రోజుల పాటు సీబీఐ కస్టడీకి అనుమతించారు. ఇదే కేసులో సీబీఐ అధికారులు మరో ఐదుగురిని కూడా అరెస్ట్‌ చేశారు. అలాగే, ఎస్సార్ గ్రూపు ఎండీ ప్రదీప్ మిట్టల్‌ను కూడా అరెస్టు చేశారు.
