ఢిల్లీ రెడ్లైట్ ఏరియాలో కండోమ్స్ కొరత... కండోమ్స్ కోసం విటుల వెంపర్లాట!
దేశ రాజధాని ఢిల్లీలో కండోమ్స్ కొరత ఏర్పడింది. ముఖ్యంగా సెక్స్ వర్కర్లు ఎక్కువగా నివశించే ప్రాంతంలోజీబీ రోడ్స్‌లో ఈ పరిస్థితి నెలకొనివుంది. ఈ విషయం తెలుసుకున్న ఢిల్లీ ప్రభుత్వం తక్షణం 4 లక్షల కండోమ్స్ సరఫరా చేయాల్సిందిగా సెంట్రల్ ప్రొక్యూర్‌మెంట్ సంస్థకు తక్షణ ఆదేశాలు జారీచేసింది.
ముంబైలోని రెడ్లైట్ ఏరియాలా ఢిల్లీలో కూడా జీబీ రోడ్స్ సెక్స్ వర్కర్లకు పెట్టింది పేరు. ఈ సెక్స్ వర్కర్ల వద్దకు వచ్చే విటుల కోసం ఢిల్లీ ప్రభుత్వం లక్షల సంఖ్యలో కండోమ్స్‌ను సరఫరా చేస్తోంది. జాతీయ ఎయిడ్స్ నియంత్రణ కార్యక్రమంలో భాగంగా ఈ ప్రాంతానికి ప్రతి నెలా 12 లక్షల కండోమ్స్ సరఫరా చేయాల్సి ఉంది. అయితే ఈ ఏడాది ఏప్రిల్ నుంచి వీటి సరఫరా నిలిచిపోగా మే నెలలో 24 లక్షల కండోమ్స్ పంపిణీ చేశారు. అప్పటి నుంచి కండోమ్స్ కొరత ఏర్పడంతో సెక్స్‌వర్కర్లతో పాటు విటులు ఎయిడ్స్ బారిన పడుతున్నారు.
ఈ రోడ్‌లో కండోమ్స్ కొరత కారణంగా సుమారు ఐదు వేల మంది మహిళలు, వందల సంఖ్యలో మగవాళ్లు ఎయిడ్స్ బారిన పడినట్లు నివేదిక అందించారు. ఇదే అంశంపై ఢిల్లీ మహిళా కమిషన్ చైర్‌పర్సన్ ఓ నివేదికను సమర్పించగా, దీనిపై వైద్య ఆరోగ్యశాఖ మంత్రి సత్యేంద్ర జైన్‌ స్పందించారు. ఈ ఏరియాకు తక్షణం 4 లక్షల కండోమ్స్ సరఫరా చేయాల్సిందిగా ఆదేశించారు. తగినంత స్టాక్ లేకపోతే టెండర్లు పిలవాలని అధికారులకు సూచించారు.
