Widgets Magazine

ప్రాణాలను ఎలా రక్షించుకోవాలో చెప్తానని ప్రాణాన్నే తీసేశాడు...(Video)

మహిళలపై అత్యాచారాలు, దురాగతాలు జరుగుతూనే వున్నాయి. తమిళనాడులో ఓ ట్రైనర్.. విద్యార్థినిని రెండో అంతస్తు నుంచి కిందకు తోసేశాడు. వివరాల్లోకి వెళితే.. తమిళనాడు, కోయంబత్తూరులోని ఓ కాలేజీలో నిర్వహించిన మాక్

Selvi| Last Updated: శుక్రవారం, 13 జులై 2018 (14:02 IST)
మహిళలపై అత్యాచారాలు, దురాగతాలు జరుగుతూనే వున్నాయి. తమిళనాడులో ఓ ట్రైనర్.. విద్యార్థినిని రెండో అంతస్తు నుంచి కిందకు తోసేశాడు. వివరాల్లోకి వెళితే.. తమిళనాడు, కోయంబత్తూరులోని ఓ కాలేజీలో నిర్వహించిన మాక్ డ్రిల్, ఓ విద్యార్థిని నిండు ప్రాణాన్ని బలిగొంది. ప్రమాదాలు జరిగినప్పుడు ఎలా బయట పడాలనే విధానాన్ని ఆ మాస్టర్ పిల్లలకు నేర్పుతున్నాడు. 
 
ఈ మేరకు డ్రిల్ మాస్టర్ కళైమగన్ ఆర్ట్స్ కళాశాలలో ఓ కార్యక్రమాన్ని ఏర్పాటు చేశారు. ఇందులో భాగంగా కింద విద్యార్థులంతా ఓ నెట్ పట్టుకుని నిల్చుండగా, రెండో అంతస్తు నుంచి లోకేశ్వరి అనే విద్యార్థిని కిందకు దూకేందుకు అంగీకరించింది. ఆపై రెండో అంతస్థు నుంచి ఆమె దూకేందుకు అనుమానిస్తుండగానే.. ట్రైనర్ ఆమెను దూకేయాల్సిందిగా ప్రోత్సహించాడు. 
 
లోకేశ్వరి భయపడుతుంటే కిందకు నెట్టేశాడు. కింద పడుతున్న సమయంలో ఆమె తల మొదటి అంతస్తుకు ఉన్న సన్ షేడ్‌కు బలంగా తాకింది. ఈ ఘటనలో తీవ్రంగా గాయపడిన ఆమె చికిత్స పొందుతూ మృతి చెందింది. ట్రైనర్‌ను పోలీసులు అరెస్ట్ చేశారు. ఈ ఘటనకు సంబంధించిన వీడియో ప్రస్తుతం సోషల్ మీడియాలో వైరల్ అవుతోంది.
 
 


దీనిపై మరింత చదవండి :