శుక్రవారం, 29 మార్చి 2024
  1. వార్తలు
  2. తెలుగు వార్తలు
  3. జాతీయ వార్తలు
Written By selvi
Last Updated : సోమవారం, 10 సెప్టెంబరు 2018 (13:02 IST)

పెళ్లైయ్యాక ఎందుకొచ్చావ్.. ముఖం చాటేసిన ప్రియుడు.. కారులో వెళ్తూ..?

ఒకవైపు ప్రియుడికి దూరమైన ఆవేదన వేధించింది. మరోవైపు తల్లిదండ్రులు వేరొక వ్యక్తితో వివాహం చేసేశారు. పెళ్లైనా ప్రియుడిని వెతుక్కుంటూ వెళ్లింది. కానీ ప్రియుడు ముఖం చాటేశాడు. పెళ్లి చేసుకున్న ప్రేయసితో వుం

ఒకవైపు ప్రియుడికి దూరమైన ఆవేదన వేధించింది. మరోవైపు తల్లిదండ్రులు వేరొక వ్యక్తితో వివాహం చేసేశారు. పెళ్లైనా ప్రియుడిని వెతుక్కుంటూ వెళ్లింది. కానీ ప్రియుడు ముఖం చాటేశాడు. పెళ్లి చేసుకున్న ప్రేయసితో వుండేందుకు నిరాకరించాడు. అంతే ఇక చేసేది లేక.. తన మాజీ ప్రియుడు కాదన్నాడనే మనస్తాపంతో ఓ వివాహిత కారును డ్రైవ్ చేస్తూనే ఆత్మహత్య చేసుకుంది. ఈ ఘటన బెంగళూరులో చోటుచేసుకుంది. 
 
వివరాల్లోకి వెళితే.. బెంగళూరు నగరానికి చెందిన సుమ అనే యువతి ఓ యువకుడిని ప్రేమించింది. అయితే సుమ తల్లిదండ్రులు ఆమె ప్రేమించిన వ్యక్తికి కాకుండా మరో వ్యక్తికి ఇచ్చి వివాహం చేశారు. పెళ్లి జరిగి నెలలు గడుస్తున్నప్పటికీ... ఆమె మాజీ ప్రియుడిని మరిచిపోలేకపోయింది. భర్తకు దూరమై పుట్టింటికి వెళ్లింది. అక్కడ ఆమెకు నచ్చజెప్పి తల్లిదండ్రులు భర్త వద్దకు పంపారు. 
 
కానీ ఆమె భర్త ఇంటికి కాకుండా తన ప్రియుడి ఉంటున్న తుముకూరు దగ్గరకు వెళ్లింది. పెళ్లి చేసుకుని మళ్లీ తన దగ్గరకు ఎందుకు వచ్చావని మాజీ ప్రియుడు సుమను ప్రశ్నించాడు.. అంతేకాకుండా ఆమెతో ఉండేందుకు నిరాకరించాడు. ప్రియుడి మాటలతో తీవ్ర మనస్తాపానికి గురైన సుమ కారులో వెళుతూనే నిద్రమాత్రలు మింగేసింది. 
 
అంతే స్పృహ కోల్పోయి కారులో తమ ఇంటికి వచ్చిన కుమార్తెను తల్లిదండ్రులు ఆసుపత్రికి తరలించగా.. ఆమె అప్పటికే మరణించిందని వైద్యులు నిర్ధారించారు. ఈ ఘటనపై కేసు నమోదు చేసుకున్న పోలీసులు దర్యాప్తు జరుపుతున్నారు.