శుక్రవారం, 29 మార్చి 2024
  1. వార్తలు
  2. తెలుగు వార్తలు
  3. జాతీయ వార్తలు
Written By pnr
Last Updated : గురువారం, 29 జూన్ 2017 (15:37 IST)

ముస్లిం అమ్మాయిని లేపుకెళ్లాడనీ.. యువకుడి తండ్రి, అన్నకు శిక్ష

కర్ణాటక రాష్ట్రంలో దారుణం జరిగింది. ఓ యువకుడు ముస్లిం అమ్మాయిని ప్రేమించాడు. అమ్మాయి తరపు కుటుంబ సభ్యులు పెళ్లికి అంగీకరించక పోవడంతో లేపుకెళ్లాడు. దీంతో ఆగ్రహించిన అమ్మాయి తరపువారు యువకుడి తండ్రికి, అ

కర్ణాటక రాష్ట్రంలో దారుణం జరిగింది. ఓ యువకుడు ముస్లిం అమ్మాయిని ప్రేమించాడు. అమ్మాయి తరపు కుటుంబ సభ్యులు పెళ్లికి అంగీకరించక పోవడంతో లేపుకెళ్లాడు. దీంతో ఆగ్రహించిన అమ్మాయి తరపువారు యువకుడి తండ్రికి, అన్నను చెట్టుకు కట్టేసికొట్టారు. ఈ దారుణం కర్ణాటకలోని బీజాపుర జిల్లా సింధగి తాలూకా హాళగుండకనాళ గ్రామంలో జరిగింది. 
 
ఈ గ్రామానికి చెందిన నింగప్ప, మాషాబీ అనే యువతీ యువకులు గతకొంతకాలంగా ప్రేమించుకుంటూ వచ్చారు. మతాలు వేరు కావడంతో మాషాబీ కుటుంబ సభ్యులు వివాహానికి అంగీకరించలేదు. తమ ప్రేమను అంగీకరించే పెద్దమనసు పెద్దలకు లేదని భావించిన వారిద్దరూ పారిపోయారు.
 
దీంతో తీవ్ర ఆగ్రహానికి గురైన మాషాబీ తండ్రి అల్లాభక్ష్‌ తన ఏడుగురు బంధువులతో కలిసి నింగప్ప తండ్రిని గ్రామంలోని చెట్టుకు కట్టేసి దాడి చేశాడు. ఈ విషయం తెలుసుకున్న నింగప్ప సోదరుడు రమేశ్‌ తన తండ్రిని విడిపించేందుకు అక్కడికి వెళ్లగా, అతన్ని కూడా చెట్టుకు కట్టేసి కొట్టారు. దీనిపై స్థానికులు ఫిర్యాదు చేయడంతో కలకేరి పోలీసులు వచ్చి వారిని విడిపించి, ఆసుపత్రిలో చేర్చారు. నిందితులపై కేసు నమోదు చేశారు.