దీన్ ఔర్ దస్తర్ బచావ్ పేరుతో ముస్లింల సరికొత్త ఉద్యమం!

''దీన్ ఔర్ దస్తర్ బచావ్" పేరుతో ముస్లింలు సరికొత్త ఉద్యమానికి తెరలేపారు. ముస్లింల సంస్కృతి, సంప్రదాయాలను పరిరక్షించుకునేందుకు ఆలిండియా ముస్లిం పర్సనల్ లా బోర్డు (ఏఐఎంపీబీ) ఈ నిర్ణయం తీసుకుంది. కేంద్ర ప్రభుత్వ విధానాలు ఇస్లాం ధర్మానికి వ్యతిరేకంగా ఉన్నాయని ముస్లిం పర్సనల్ లా బోర్డు అభిప్రాయపడుతోంది. ఇతర వర్గాలను కలుపుకుని ఈ ఉద్యమాన్ని ముందుకు తీసుకెళ్తామని ఏఐఎంపీబీ స్పష్టం చేసింది. 

పాఠశాలల్లో యోగా, సూర్యనమస్కారం, వందేమాతర గీతాలాపన వంటి చర్యలతో రాజ్యాంగం ప్రసాదించిన లౌకిక నియమాల్ని పక్కనబెట్టి ఒకే మతానికి చెందిన నియమ నిబంధనలు పాటించాలని కేద్రం ఒత్తిడి తెస్తోందని ఏఐఎంపీబీ పేర్కొంది. దీనిని తాము వ్యతిరేకిస్తున్నట్టు తెలిపింది. దీనిపై సరికొత్త ఉద్యమాన్ని ప్రారంభించనున్నామని ఏఐఎంపీబీ వెల్లడించింది.