దేవుడెపుడు శాసిస్తాడో.. రజనీకాంత్ ఎప్పుడు రాజకీయాల్లోకి వస్తారో?

తమిళ సూపర్ స్టార్ రజనీకాంత్ రాజకీయ అరంగేట్రంపై ఇంకా క్లారిటీ రాలేదు. రాజకీయాలపై అభిమానుల కోసం జరిగిన సమావేశంలో మాట్లాడిన సూపర్ స్టార్ రజనీకాంత్.. తన రాజకీయ అరంగేట్రం ఎప్పుడుటుందని మాత్రం స్పష్టం చేయలే

తమిళ సూపర్ స్టార్ రజనీకాంత్ రాజకీయ అరంగేట్రంపై ఇంకా క్లారిటీ రాలేదు. రాజకీయాలపై అభిమానుల కోసం జరిగిన సమావేశంలో మాట్లాడిన సూపర్ స్టార్ రజనీకాంత్.. తన రాజకీయ అరంగేట్రం ఎప్పుడుటుందని మాత్రం స్పష్టం చేయలేదు. ఇంకా రాజకీయాలకు సంబంధించిన ప్రశ్నలు తన వద్ద అడగొద్దని రజనీకాంత్ దాటవేశారు.

తన జీవితం దేవుడి చేతుల్లోనే ఉందని.. ఆయన తన తలరాతను ఎలా రాశారో తనకు తెలియదన్నారు. కానీ దేవుడు తనపై ఉంచిన బాధ్యతలను మాత్రం తప్పకుండా నెరవేరుస్తానని హామీ ఇచ్చారు. రాజకీయాల్లోకి రానంత మాత్రాన అభిమానులు నిరాశకు గురికావద్దని రజనీ సూచించారు. 

ఇంకా 4 దశాబ్ధాలు తమిళనాడులో ఉన్నానని.. తాను తమిళుడినేనని రజనీకాంత్ స్పష్టం చేశారు. చెన్నైలోని రాఘవేంద్ర కల్యాణ మండపంలో తిరుచ్చి, అర్యళూరు, తిరంబళూర్ జిల్లాలకు చెందిన అభిమానులతో సమావేశమైన సందర్భంగా రజనీకాంత్ మాట్లాడుతూ.. సోషల్ మీడియాలో వచ్చే విమర్శలను పట్టించుకోనని స్పష్టం చేశారు.

విమర్శలు సర్వసాధారణమని రజనీ తీసిపారేశారు. మన వ్యవస్థలో లోపాలున్నాయన్నారు. చెడు రాజకీయ నేతలతో పాటు నలుగురు మంచి నాయకులు కూడా ఉన్నారన్నారు. ప్రజాస్వామ్యం చెడిపోయిందని.. అందరూ కలిసి పనిచేస్తేనే దేశం బాగుపడుతుందని తెలిపారు.