నిన్నటివరకు ముఖ్యమంత్రి.. ఇకపై ఉప ముఖ్యమంత్రి? ఇదీ 'త్యాగయ్య' పన్నీర్ పరిస్థితి
నిన్నటివరకు ముఖ్యమంత్రిగా ఉన్న వ్యక్తి.. ఇకపై ఉప ముఖ్యమంత్రిగా కొనసాగనున్నారు. ఆయన ఎవరో కాదు.. సీఎం పదవిని తృణప్రాయంగా త్యజించడంలో త్యాగయ్యగా పేరును సార్థకం చేసుకున్న తమిళనాడు మాజీ ముఖ్యమంత్రి ఓ.పన్నీ
నిన్నటివరకు ముఖ్యమంత్రిగా ఉన్న వ్యక్తి.. ఇకపై ఉప ముఖ్యమంత్రిగా కొనసాగనున్నారు. ఆయన ఎవరో కాదు.. సీఎం పదవిని తృణప్రాయంగా త్యజించడంలో త్యాగయ్యగా పేరును సార్థకం చేసుకున్న తమిళనాడు మాజీ ముఖ్యమంత్రి ఓ.పన్నీర్ సెల్వం.
మంగళవారం తమిళనాడు ముఖ్యమంత్రిగా శశికళ ప్రమాణ స్వీకారం చేయనున్నారు. ఈమె మంత్రివర్గంలో ఉప ముఖ్యమంత్రి పదవితో పాటు.. కీలకమైన ఆర్థిక శాఖను పన్నీర్‌కు కట్టబెట్టాలని శశికళ నిర్ణయించినట్టు పోయస్ గార్డెన్ వర్గాల సమాచారం.
మరోవైపు... మద్రాసు విశ్వవిద్యాలయంలోని సెంటినరీ ఆడిటోరియంలో శశికళ మంగళవారం ఉదయం 8.45 గంటలకు ప్రమాణం చేయనున్నారు. తద్వారా తమిళనాడు రాష్ట్ర చరిత్రలో మూడో ముఖ్యమంత్రిగా శశికళ రికార్డుపుటలకెక్కనున్నారు.
అదేసమయంలో శశికళ కోసం మరోసారి ముఖ్యమంత్రి పదవిని త్యాగం చేసిన పన్నీర్ సెల్వానికి సముచిత పదవిని ఇవ్వనున్నారని తెలుస్తోంది. ఆయనను ఉప ముఖ్యమంత్రిగా నియమించనున్నారని, శశికళ కేబినెట్‌లో పన్నీర్ సెల్వానికి కీలక ఫోర్టుపోలియో అయిన ఆర్థిక శాఖ దక్కే అవకాశముందని వినిపిస్తోంది.
