శుక్రవారం, 29 మార్చి 2024
  1. వార్తలు
  2. తెలుగు వార్తలు
  3. జాతీయ వార్తలు
Written By PNR
Last Updated : ఆదివారం, 26 ఏప్రియల్ 2015 (14:44 IST)

దర్శకుడు హత్య కేసులో తమిళ నటికి జీవితఖైదు!

వర్ధమాన దర్శకుడిని హత్య చేసిన కేసులో ఓ తమిళ నటికి యావజ్జీవ కారాగారశిక్షను విధిస్తూ చెన్నై అడిషనల్ కోర్టు తీర్పునిచ్చింది. తాజాగా వెలువడిన ఈ కేసు వివరాలను పరిశీలిస్తే... సరిత అలియాస్ సంగీత... తమిళ సినీ పరిశ్రమలో ఓ చిన్న నటి. 2007లో వర్ధమాన దర్శకుడు సెల్వా ఓ చిత్రంలో నటించేందుకు సంగీతను ఎంపిక చేసుకున్నాడు. 
 
తన పారితోషికం చెల్లించలేదని ఆమె ఆగ్రహం వ్యక్తం చేసింది. అనంతరం, సెల్వా వడపళనిలోని ఓ లాడ్జిలో రెండు గదులు అద్దెకు తీసుకుని, సినిమా గురించి చర్చించాలంటూ నటీనటులను పిలిచాడు. అందులో సంగీత కూడా ఉంది. అప్పటికే అతడిపై ఆగ్రహంతో ఉన్న ఆమె ఇదే అదనుగా గొంతు నులిమి చంపేసింది. అనంతరం, గదికి తాళం వేసి పరారైంది. 
 
అనంతరం ఆమెను పోలీసులు అరెస్టు చేయగా, బెయిల్ పై బయటికొచ్చి ఏడేళ్లు అజ్ఞాతంలోకి వెళ్లింది. గతేడాది డిసెంబర్ లో పోలీసులకు పట్టుబడింది. తాజాగా, విచారణ జరిపిన అడిషనల్ సెషన్స్ కోర్టు ఆమెకు జీవిత ఖైదుతో పాటు రూ.5000 జరిమానా విధించింది.