నాగదోష నివారణ!

Devotees in Kushawart Teerth
Shruti AgarwalWD
మీ జాతకంలోని గ్రహ సమ్మేళనాలు మీ అభివృద్ధిని నిరోధిస్తున్నాయా?... అవి మిమ్మల్ని సమస్యల సుడిగుండంలోకి నెడుతున్నాయా?.. లేకుంటే మీకు కీడు చేస్తున్నాయా?.... ఇలాంటి విషయాలపై వ్యాఖ్యానించడం చాలా కష్టమే...ఇదంతా పూర్తిగా అర్ధ రహితమని కొందరు కొట్టి పారేస్తుంటారు.

కానీ 21వ శతాబ్దంలో సైతం ఇటువంటి అంశాలపై విశ్వాసం చూపేవారు వేల సంఖ్యలోనే ఉన్నారు. ప్రజల విశ్వాసాన్ని చూరగొన్న గ్రహ సమ్మేళనాలలో ‘నాగ దోష’ ఒకటి. ‘ఏది నిజ’కు కొనసాగింపుగా, ‘నాగదోష’ తాలూకూ హానికర ప్రభావాల నివారణార్థం వేల సంఖ్యలో భక్తులు విచ్చేసే నాసిక్కు చెందిన త్రయంబక్ గ్రామాన్ని మా తదుపరి గమ్యస్థానంగా ఎంచుకున్నాం.

ఫోటోగ్యాలరీ కోసం ఇక్కడ క్లిక్ చేయండి

తెలతెలవారుతుండగానే నాసిక్ను చేరుకుని, త్రయంబకేశ్వర్కు వెళ్ళేందుకు టాక్సీ కోసం నిరీక్షించసాగాము. మా ప్రయాణంలో పాలుపంచుకునేందుకు టాక్సీ డ్రైవర్ గణపతి అంగీకరించడంతో ప్రయాణం ప్రారంభమైంది. గణపతి ఓ మాటలపుట్ట, ఇంకేముంది మాపై ప్రశ్నలు సంధించడం మొదలుపెట్టాడు. మీ సమస్య ఏమిటి?.. త్రయంబకేశ్వర్కు ఎందుకు వెళ్తున్నారు?.. ‘నారాయణ నాగ బలి’ పూజ ( ‘నాగదోష’ నివారణకై జరిపే ప్రత్యేక పూజ) కోసం మీరు ఇక్కడకు వచ్చారా? అని వరుస ప్రశ్నలు సంధించిన అతను అంతటితో ఆగలేదు.
Prayer to get rid of Kaal Sarp Yog
Shruti AgarwalWD


ఎవరైనా పూజారిని నియోగించుకున్నారా అని మమ్మల్ని అడిగి, మేము లేదని సమాధానం ఇవ్వడంతో, పూజను శాస్త్రోక్తంగా నిర్వహించే పూజారి ఒకరు తనకు తెలుసునని గణపతి మాతో అన్నాడు. అంతేకాక ‘నాగదోష’ నివారణార్ధం ప్రతి సంవత్సరం వేల సంఖ్యలో ప్రజలు త్రయంబకేశ్వరాన్ని సందర్శిస్తారని గణపతి తెలిపాడు. ఎట్టకేలకు త్రయంబకేశ్వరాన్ని చేరుకున్నాము.

Shruti Agarwal|
చర్చలో పాల్గొనాలని భావిస్తున్నారా? అయితే ఇక్కడ క్లిక్ చేయండి


దీనిపై మరింత చదవండి :