Widgets Magazine

ఆ ఆలయంలోకి 4 శతాబ్దాల తర్వాత పురుషులకు ప్రవేశం

సోమవారం, 23 ఏప్రియల్ 2018 (15:02 IST)

ఒడిషా రాష్ట్రంలోని భువనేశ్వర్‌లో ఉన్న ఓ ఆలయంలో పురుషులకు ప్రవేశం కల్పించారు. అదీకూడా 400 యేళ్ల తర్వాత మగరాయుళ్లకు ఈ అరుదైన అవకాశం లభించింది.
Ma Panchubarahi temple
 
ఒడిషా రాష్ట్రంలోని కేంద్రపారా ప్రాంతంలో ఉండే సాతభయ గ్రామానికి దగ్గర్లో మా పంచబారాహి గుడి వుంది. కొన్ని వందల ఏళ్లుగా మహిళలు మాత్రమే ఈ గుడిలోకి వెళ్లేవారు. ఐదుగురు దళిత మహిళా పూజారులు ఈ గుడి నిర్వహణ బాధ్యతలు చూసుకుంటారు. ఈ ఐదుగురు తప్ప మిగతా ఎవరూ అక్కడి విగ్రహాలను తాకకూడదు. 
 
పైగా, 400 ఏళ్లుగా ఒక్క పురుషుడు కూడా ఈ గుడిలోకి అడుగుపెట్టలేదు. ఈ గుడిలోని దేవత తమను ప్రకృతి వైపరీత్యాల నుంచి కాపాడుతుందని స్థానికులు బలంగా విశ్వసిస్తారు. అయితే ఈ మధ్యే 400 ఏళ్ల చరిత్రకు ఫుల్‌స్టాప్ పెడుతూ తొలిసారి మగవాళ్లు ఈ గుడిలోకి వెళ్లారు. దీనికి కారణం సమీపంలో ఉన్న సాతభయ గ్రామానికి వరదలు వచ్చాయి. దీంతో ఈ గుడిని మరో ప్రాంతానికి తరలించాల్సి వచ్చింది. 
 
గుడిలోని గ్రానైట్ విగ్రహాలను తరలించడానికి ఆ ఐదుగురు మహిళా పూజారులు మగవాళ్ల సాయం తీసుకున్నారు. ఇందులోని ఒక్కో విగ్రహం బరువు 1.5 టన్నులు ఉండటం విశేషం. ఈ నెల 20న ఈ విగ్రహాలను 12 కిలోమీటర్ల దూరంలోని బగపాటియా గ్రామానికి తరలించారు. మగవాళ్లు ఈ విగ్రహాలను తాకడంతో కొత్త చోటుకి చేరుకోగానే మహిళా పూజారులు విగ్రహాల సంప్రోక్షణ కార్యక్రమాలు చేపట్టారు. 
 
కొన్ని దశాబ్దాలుగా సాతభయ గ్రామం వరదల బారిన పడుతూనే ఉంది. క్రమంగా పెరుగుతున్న సముద్ర నీటి మట్టాలు.. ఈ గ్రామం పాలిట శాపంగా మారాయి. 1930లో 350 చదరపు కిలోమీటర్లలో ఉన్న ఈ ప్రాంతం.. 140 చదరపు అడుగులకు కుంచించుకుపోయింది. 


Widgets Magazine
Widgets Magazine

దీనిపై మరింత చదవండి :  

Loading comments ...

ఆధ్యాత్మికం వార్తలు

news

శ్రీ మహాలక్ష్మీ సహస్ర నామ స్తోత్రం

అక్షయ తృతీయ నాడు శ్రీ మహాలక్ష్మీ సహస్ర నామ స్తోత్రాన్ని పఠిస్తే సకల శుభాలు చేకూరుతాయి. ...

news

అంతర్వేది, నెల్లూరు పెంచలకోన... లక్ష్మీనరసింహ స్వామి

హిరణ్యకశిపుని వధ కోసం నరసింహ అవతారం దాల్చిన శ్రీహరి, అసురసంహారం జరిగినా, ఆ ఉగ్రత్వాన్ని ...

news

అంజనాద్రిపై శ్రీరామ తీర్థం, సీతా తీర్థం... హనుమంతుడు అక్కడే...

రామ భక్త హనుమ శ్రీనివాసుని దాసానుదాసుడు కూడా. కలియుగ వైకుంఠ వాసుని సేవించడానికి ...

news

తితిదే ఛైర్మన్‌గా సుధాకర్ యాదవ్.. ఆర్టీసీ ఛైర్మన్‌గా వర్ల

ఆంధ్రప్రదేశ్ రాష్ట్రంలో అధికార తెలుగుదేశం పార్టీ నామినేటెడ్ పోస్టుల పందారానికి శ్రీకారం ...

Widgets Magazine