అమ్మాయిలు అదుర్స్‌ : ఆసియాకప్‌ విజేత భారత్‌

సోమవారం, 6 నవంబరు 2017 (09:01 IST)

asia cup 2017

భారత హాకీ మహిళలు దుమ్మురేపారు. అబ్బాయిలకు ఏమాత్రం తీసిపోమని నిరూపించారు. తిరుగులేని ప్రదర్శనతో ఆసియాకప్‌ కైవసం చేసుకొని రికార్డు సృష్టించారు. ఆదివారం జపాన్‌లోని కకామిగహరలో నువ్వానేనా అన్నట్టు జరిగిన ఫైనల్లో భారత్‌ షూటౌట్‌లో 5-4తో చైనాను చిత్తుచేసింది. 
 
నవ్‌జ్యోత్‌ కౌర్‌ (25వ నిమిషంలో)గోల్‌ చేయడంతో తొలుత టీమిండియా 1-0తో ఆధిక్యంలోకి వెళ్లింది. ఆ తర్వాత తియాన్‌తియాన్‌ లువో (47వ ని)లో గోల్‌ కొట్టడంతో చైనా 1-1తో స్కోర్‌ సమంచేసింది. మ్యాచ్‌ ముగిసేసరికి మరో గోల్‌ నమోదు కాకపోవడంతో షూటౌట్‌ అనివార్యమైంది. ఉత్కంఠభరితంగా సాగిన షూటౌట్‌ రెండు జట్లు 4-4తో నిలిచాయి.
 
చివరి అవకాశంలో కెప్టెన్‌ రాణి గోల్‌ కొట్టింది. ఆ తర్వాత చైనా విఫలంకావడంతో భారత్‌ 5-4తో చైనాకు షాకిచ్చింది. గ్రూప్‌ దశలోనూ చైనాను భారత జట్టు చేతిలో ఓడిపోయిన విషయం తెల్సిందే. ఈ టోర్నీలో అమ్మాయిల జట్టు అద్భుతంగా ఆడింది. గ్రూప్‌ దశను అజేయంగా ముగించింది. క్వార్టర్‌లో కజకిస్థాన్‌పై గెలిచింది. సెమీ ఫైనల్లో డిఫెండింగ్‌ ఛాంపియన్‌ జపాన్‌ను మట్టికరిపించింది. 
 
ఉత్కంఠతగా సాగిన మ్యాచ్‌లో చైనాను ఓడించి ఆసియా ఛాంపియన్‌గా నిలిచింది. ఈ విజయంతో అమ్మాయిలు, అబ్బాయిలు ఆసియాకప్‌ గెలిచినట్టైంది. ఆసియాకప్‌ విజేతగా నిలిచిన భారత్‌ 2018లో జరిగే మహిళల ప్రపంచకప్‌కు నేరుగా అర్హత పొందింది. 2004 తర్వాత అమ్మాయిలు ఆసియాకప్‌ గెలవడం ఇదే తొలిసారి.



దీనిపై మరింత చదవండి :  

Loading comments ...

ఇతర క్రీడలు

news

అజితేష్ అసభ్యంగా ప్రవర్తించాడు.. సింధు : ఇంకొక్కమాట చెప్పకంటున్న నెటిజన్స్

భారత బ్యాడ్మింటన్ క్రీడాకారిణి పీవీ సింధు చేసిన ఓ ట్వీట్ సోషల్ మీడియాలో వైరల్ అయింది. ...

news

ఫ్రెంచ్ ఓపెన్ : తెలుగుతేజం కిదాంబి శ్రీకాంత్‌ గెలుపు

ఫ్రెంచ్ ఓపెన్ సిరీస్‌ విజేతగా తెలుగుతేజం కిదాంబి శ్రీకాంత్ నిలిచాడు. పురుషుల సింగిల్స్‌ ...

news

ప్రో కబడ్డీ 2017: గుజరాత్‌ను చిత్తు చేసిన పాట్నా పైరేట్స్

ప్రొ కబడ్డీలో కొత్త రికార్డు పాట్నా పైరేట్స్ నెలకొల్పింది. చెన్నై వేదికగా జరిగిన ప్రొ ...

news

సింధు ప్రతీకార విజయం : తొలిసారి ఫ్రెంచ్‌ ఓపెన్‌ సెమీస్‌లోకి

గతవారం డెన్మార్క్‌ ఓపెన్‌లో తడబడిన పీవీ సింధు తన తప్పిదాలను సరిచేసుకొని ఫ్రెంచ్‌ ఓపెన్‌లో ...