మూడేళ్ళలో పూర్తిగా కోలుకోనున్న మైకేల్ షూమాకర్ : వైద్యులు
మరో మూడేళ్లలో మైకేల్ షూమాకర్ పూర్తిగా కోలుకుంటారని ఆయనకు ఫిజియోథెరఫీ వైద్యం చేస్తున్న విఖ్యాత ఫ్రెంచ్ ఫిజీషియన్ జీన్ ఫ్రాంకోయిస్ పాయెన్ వెల్లడించారు. షూమాకర్‌కు ఈ ఫిజీషియన్ గత ఆర్నెల్లుగా వైద్యం అందిస్తున్నారు.
గతేడాది డిసెంబర్ నెలలో షూమాకర్ తన కుమారుడితో కలిసి ఆల్ప్స్ పర్వత శ్రేణిలో స్కీయింగ్ చేస్తుండగా, అదుపుతప్పి ఓ రాతిని ఢీకొట్టడంతో తలకు తీవ్రగాయమైంది. అతను ధరించిన హెల్మెట్ కూడా విరిగిపోయిందంటే అతను ఎంత బలంగా ఆ రాయిని ఢీకొట్టారో అర్థం చేసుకోవచ్చు,
దీంతో కోమాలోకి జారుకున్న షూమాకర్‌ను ప్రాణాపాయం నుంచి తప్పించిన వైద్యులు కోమాలోకి వెళ్లకుండా కాపాడలేక పోయారు. ప్రస్తుతం ఈ రేసింగ్ లెజెండ్ కోమాలోనే ఉన్నాడు. తాజాగా, స్విట్జర్లాండ్‌లోని షూమాకర్ నివాసానికి వెళ్ళారు పాయెన్. ఈ సందర్భంగా ఆయన మాట్లాడుతూ, తలకు పెద్ద దెబ్బ తగిలినప్పుడు దశలవారీగానే కోలుకుంటారని అభిప్రాయపడ్డారు.
