శుక్రవారం, 29 మార్చి 2024
  1. క్రీడలు
  2. ఇతర క్రీడలు
  3. వార్తలు
Written By pnr
Last Updated : సోమవారం, 10 జులై 2017 (14:38 IST)

జకోవిచ్‌తో డేటింగ్ కోసం పరితపించిన దీపిక : ఈ మాట ఎవరన్నారు?

దీపికా పదుకొనే. బాలీవుడ్ స్టార్. ఇటీవల హాలీవుడ్ చిత్ర ప్రవేశం కూడా చేసింది. ట్రిపుల్ ఎక్స్ అనే చిత్రంలో హాట్‌హాట్‌గా నటించింది. అలాగే, నోవాక్ జకోవిచ్. అంతర్జాతీయ టాప్ టెన్నిస్ ప్లేయర్. ఈ సెర్బియా ఆటగా

దీపికా పదుకొనే. బాలీవుడ్ స్టార్. ఇటీవల హాలీవుడ్ చిత్ర ప్రవేశం కూడా చేసింది. ట్రిపుల్ ఎక్స్ అనే చిత్రంలో హాట్‌హాట్‌గా నటించింది. అలాగే, నోవాక్ జకోవిచ్. అంతర్జాతీయ టాప్ టెన్నిస్ ప్లేయర్. ఈ సెర్బియా ఆటగాడు.. తక్కువోడేం కాదు. పెళ్లికి ముందే పలువురు అమ్మాయిలతో డేటింగ్ చేశాడు. అలా డేటింగ్ చేసిన అమ్మాల్లో ఒకరిని పెళ్లి చేసుకున్నాడు. కానీ, అలాంటి జకోవిచ్‌పై బాలీవుడ్ సుందరాంగి దీపిక మనసుపడింది. అతనితో డేటింగ్ చేయాలని పరితపించిందట. ఇందుకోసం రెండుసార్లు ముమ్మరంగా ప్రయత్నించిందట. కానీ, ఆమె ప్రయత్నాలు ఫలించలేదట.
 
ఇదే అంశంపై జకోవిచ్ మాజీ గర్ల్‌ఫ్రెండ్ న‌టాషా తాజాగా ఓ షాకింగ్ కామెంట్స్ చేసింది. దీపికా ప‌దుకొనేకు జకోవిచ్‌తో డేటింగ్ చేయ‌డం ఇష్ట‌మ‌ని వెల్ల‌డించింది. ఈ కామెంట్‌తో పాటు రీసెంట్‌గా నొవాక్‌పై రిలీజ‌ైన ఓ వీడియో.. ఈ రెండు ఇప్పుడు నొవాక్ జ‌కోవిచ్ గ‌త చ‌రిత్ర‌ను తవ్వి తీసే ప్ర‌య‌త్నం చేస్తున్నాయి. అయితే.. ఇంత‌వ‌ర‌కు ఈ కామెంట్స్‌పై నొవాక్ మాత్రం స్పందించ‌లేదు. 
 
కాగా, జకోవిచ్ తొలుత అంటే 2011 నుంచి 2014 వ‌ర‌కు పాప్‌స్టార్ న‌టాషా బెక్వ‌ల‌క్‌తో డేటింగ్ చేశాడు. ఆ స‌మ‌యంలోనే జెలెనా రిస్టిక్ అనే మ‌రో అమ్మాయితోనూ డేటింగ్ చేశాడు. పిమ్మట 2014లోనే జెలెనాను పెళ్లి చేసుకుని, న‌టాషాతో సంబంధాలు తెంచుకున్నాడు. ఈ క్రమంలో దీపికతో డేటింగ్‌కు ప్రయత్నించాడు. దీపికకు, జకోవిచ్‌లు 2014లో ఇంట‌ర్నేష‌నల్ ప్రీమియ‌ర్ టెన్నిస్ లీగ్ సందర్భంగా పరిచయం ఏర్పడింది. 
 
ఈ టోర్నీలో ఇద్ద‌రు క‌లిసి టెన్నిస్ డ‌బుల్స్ మ్యాచ్ ఆడారు కూడా. మళ్లీ రెండేళ్ల త‌ర్వాత అంటే గ‌త సంవ‌త్స‌రం మార్చిలో లాస్‌ఏంజెల్స్‌లో ఇద్ద‌రు క‌లుసుకున్న ఫోటోలు సోష‌ల్ మీడియాలో తెగ హ‌ల్ చ‌ల్ చేశాయి. మొత్తంమీద వీరిద్దరి మధ్య ఏదో వ్యవహారం ఉందని విదేశీ పత్రికలు కోడైకూశాయి కూడా.