రియో ఒలింపిక్స్‌కు గుడ్ విల్ అంబాసిడర్‌గా సచిన్ గ్రీన్ సిగ్నల్!
ప్రతిష్టాత్మక రియో ఒలింపిక్స్‌కు భారత రాయబారిగా ఉండాలంటూ ఇండియన్ ఒలింపిక్ సమాఖ్య చేసిన విజ్ఞప్తిని మాస్టర్ బ్లాస్టర్ సచిన్ టెండూల్కర్ అంగీకరించారు బాలీవుడ్ నటుడు సల్మాన్ ఖాన్, షూటర్ బింద్రా ఇప్పటికే గుడ్ విల్ అంబాసిడర్లుగా ఎంపికైన నేపథ్యంలో.. సచిన్ కూడా భారత క్రీడాకారుల్లో ఉత్తేజాన్ని నింపేందుకు రాయబారిగా కొనసాగేందుకు గ్రీన్ సిగ్నల్ ఇచ్చారు.
ఇకపోతే.. ఒలింపిక్స్‌లో క్రికెట్ చోటుచేసుకోలేకపోయినా.. మాస్టర్ బ్లాస్టర్‌లో ఉన్న క్రీడాస్ఫూర్తి ఆటగాళ్ల ఎంతో ఉపయోగపడుతుందని ఇండియన్ ఒలింపిక్ సమాఖ్య పేర్కొంది. భారత ఆటగాళ్లు రియో ఒలింపిక్స్‌లో పతకాల పంట పండించాలని ఇండియన్ ఒలింపిక్ అసోసియేషన్ ఆకాంక్షించింది. కాగా గుడ్ విల్ అంబాసిడర్‌గా బాలీవుడ్ కండల వీరుడు సల్మాన్ ఖాన్‌ను ఎంపిక చేయడంపై కొందరు అభ్యంతరం వ్యక్తం చేసిన సంగతి తెలిసిందే.
