సానియా జోడీ జోరు : టోక్యో డబుల్స్ టైటిల్ కైవసం!
భారత టెన్నిస్ స్టార్ సానియా మీర్జా మాంచి ఫామ్‌లోకి వచ్చింది. ఇటీవలే యూఎస్ ఓపెన్ డబుల్స్ సాధించిన ఈ అమ్మడు.. తన భాగస్వామి కారా బ్లాక్‌తో కలిసి మరో టైటిల్‌ను తన ఖాతాలో వేసుకుంది.
టోక్యోలో జరుగుతున్న పసిఫిక్ ఓపెన్ మహిళల డబుల్స్ టైటిల్‌ను సానియా మీర్జా, కారాబ్లాక్ జోడీ గెలుచుకుంది. స్పెయిన్ ప్రత్యర్థులు గార్భైన్ ముగుర్జా, కార్లా సువారెజ్ నవర్రో జోడీని 6-2, 7-5 తేడాతో ఓడించింది.
టైటిల్ గెలుపొందినందుకుగానూ సానియా జోడీకి పది లక్షల డాలర్లు బహుమతిగా ఇవ్వనున్నారు. యూఎస్ ఓపెన్ మిక్స్‌డ్ డబుల్స్ టైటిల్ గెలుచుకున్న కొద్ది రోజులకే సానియా మరో టైటిల్ గెలుచుకోవడం విశేషం.
