రుచికరమైన ఓట్స్ స్వీట్ స్టిక్స్
కావలసిన వస్తువులు :
ఓట్స్పిండి - రెండు కప్పులు
గోధుమపిండి - ఒక కప్పు
మైదా - ఒక కప్పు
బెల్లం - రెండు కప్పులు
వెన్న - కొంచెం
ఉప్పు - చిటికెడు
ఏలకుల పొడి - పావు టీ స్పూను
నూనె - డీప్ ఫ్రైకి సరిపడా
తయారుచేయండి ఇలా :
మొదట ఒక గిన్నెలో ఓట్స్ పిండి, గోధుమపిండి, మైదా, వెన్న, ఉప్పు, కొద్దిగా నీరు పోసి చపాతీపిండిలా కలిపి పక్కన పెట్టుకోవాలి. అయిదు నిముషాలు నానిన తరువాత కొద్దిగా పిండి తీసుకుని ఫొటోలో మాదిరిగా ఒత్తుకోవాలి. బాణలిలో సన్నసెగ మీద కాగిన నూనెలో వీటి ని వేసి దోరగా వేయించుకుని పక్కన ఉంచుకోవాలి. బెల్లంలో కొద్దిగా నీరు పోసి ఉండపాకం రానిచ్చిన తరువాత అందులో ఏలకుల పొడి వేయాలి. చివరగా వేయించుకున్న స్టిక్స్ని ఇందులో వేసి స్టౌవ్ మీద నుంచి దించేయాలి. అంతే రుచికరమైన ఓట్స్ స్వీట్ స్టిక్స్ రెడీ. వీటిని చిన్న పిల్లలు చాలా ఇష్టంగా ఆరగిస్తారు.