శుక్రవారం, 29 మార్చి 2024
  1. వార్తలు
  2. తెలుగు వార్తలు
  3. తెలంగాణ
Written By సందీప్ రేవిళ్ళ
Last Modified: మంగళవారం, 12 ఫిబ్రవరి 2019 (17:04 IST)

ఆ గ్రామంలో 4 గంటలకు సూర్యాస్తమయం... 7 గంటలకు సూర్యోదయం...

మనం సాధారణంగా సూర్యడు సాయంత్రం ఆరు గంటలకు అస్తమించడం చూసుంటాం. కానీ ఒక ఊరులో నాలుగు గంటలకే సూర్యుడు అస్తమిస్తాడు. అప్పటికే చీకటి పడిపోతుంది. అదే పెద్దపల్లి లోని సుల్తానాబాద్ మండలంలోని కుదురుపాక. మరో విశేషం ఏమిటంటే అక్కడ ఒక గంట ఆలస్యంగా సూర్యుడు ఉదయిస్తాడు. 
 
ఈ ప్రాంతంలో అలా జరగడానికి గల కారణం ఉండనే ఉంది. దానికి ప్రధాన కారణం గ్రామానికి తూర్పు మరియు పడమర దిక్కులలో ఎత్తయిన కొండలు ఉండటం. వర్షా కాలం వచ్చిందంటే ఇంకా ముందే సూర్యాస్తమయం అవుతుందట. తూర్పు దిక్కున కొండలు ఉండటం వలన సూర్యోదయం కూడా ఒక గంట ఆలస్యం అవుతుంది. 
 
ఉదయం, రాత్రి వేళ్లల్లో తేడా ఉండడంతో ఈ గ్రామానికి మూడు జాముల కుదురుపాకగా పేరు వచ్చింది. సాయంత్రం కాగానే సూర్యుడు రంగనాయకుల గుట్ట వెనుక దాక్కుంటాడని  గ్రామస్థులు చెబుతున్నారు. పనులకు వెళ్లిన వారు చీకటిపడుతుందని త్వరగానే ఇంటికి చేరుకుంటారు. ఊరికి నాలుగువైపులా ఉన్న గుట్టలు కొంత ప్రయోజనం చేకూర్చినా వేసవి కాలంలో ఇబ్బంది ఉంటుందని గ్రామస్థులు చెబుతున్నారు.