శుక్రవారం, 29 మార్చి 2024
  1. వార్తలు
  2. తెలుగు వార్తలు
  3. తెలంగాణ
Written By TJ
Last Modified: సోమవారం, 4 డిశెంబరు 2017 (16:14 IST)

చంద్రబాబు ఏంటిది? ఎమ్మెల్యేకి రాజీనామా చేస్తున్నా... ఎవరు?

కాపులను బిసీల్లో చేరుస్తూ చంద్రబాబు నాయుడు తీసుకున్న నిర్ణయంపై బిసి సంఘాలు ఆగ్రహంతో రగిలిపోతున్నాయి. నమ్మించి బాబు గొంతు కోశారని టిడిపిలో ఉన్న బిసి సంఘాలన్నీ ఐక్యంగా బాబుపై తిరుగుబావుటా ఎగురవేస్తున్నాయి. బాబు తీసుకున్న నిర్ణయంపై బిసి సంఘాల నేతలు పెద్

కాపులను బిసీల్లో చేరుస్తూ చంద్రబాబు నాయుడు తీసుకున్న నిర్ణయంపై బిసి సంఘాలు ఆగ్రహంతో రగిలిపోతున్నాయి. నమ్మించి బాబు గొంతు కోశారని టిడిపిలో ఉన్న బిసి సంఘాలన్నీ ఐక్యంగా బాబుపై తిరుగుబావుటా ఎగురవేస్తున్నాయి. బాబు తీసుకున్న నిర్ణయంపై బిసి సంఘాల నేతలు పెద్దయెత్తున ఆందోళన చేస్తుంటే బిసి సంఘాలకు చెందిన ప్రధాన నాయకులు మాత్రం నోరు విప్పలేదు. 
 
అయితే మొదటిసారి జాతీయ బిసి సంఘం అధ్యక్షుడు ఆర్. క్రిష్ణయ్య ఈ విషయంపై స్పందించారు. బిసిలకు అన్యాయం జరిగే పరిస్థితి కనబడుతోందని, దీన్ని ఎండగట్టాల్సిన బాధ్యత తనపై ఉందన్నారు క్రిష్ణయ్య. ప్రస్తుతం తాను ప్రాతినిథ్యం వహిస్తున్న ఎల్.బి.నగర్ ఎమ్మెల్యే పదవికి రాజీనామా చేయడానికి సిద్ధంగా ఉన్నానన్నారు క్రిష్ణయ్య. ఇప్పటికే రేవంత్ రెడ్డి టిడిపి పార్టీని వదిలివెళ్ళిపోవడాన్ని జీర్ణించుకోలేని టిడిపి నాయకులు తాజాగా మరో ఎమ్మెల్యే రాజీనామాకు సిద్థమవుతుండడంతో అర్థం కాని స్థితిలోకి వెళ్ళిపోయారు. బి.సి.నేత క్రిష్ణయ్యను బుజ్జగించేందుకు పార్టీ సీనియర్ నేతలే రంగంలోకి దిగనున్నట్లు సమాచారం.