హైదరాబాద్‌లో నకిలీ కరెన్సీ గ్యాంగ్‌స్టర్ ఎల్లంగౌడ్ అరెస్ట్!
నకిలీ కరెన్సీ గ్యాంగ్‌స్టర్ ఎల్లంగౌడ్‌ను హైదరాబాద్ నగర పోలీసులు అరెస్ట్ చేశారు. ఎల్లంగౌడ్‌ను సైబరాబాద్ పోలీసులు మహారాష్ట్రలో అదుపులోకి అత్యంత కట్టుదిట్టమైన భద్రత నడుమ నగరానికి తీసుకొచ్చి ఆయన వద్ద రహస్యంగా విచారణ చేస్తున్నారు. ఎల్లంగౌడ్ నుంచి తుపాకీ, రూ.40 వేల నగదును పోలీసులు స్వాధీనం చేసుకున్నారు. ఇటీవల పోలీసులపై ఎల్లంగౌడ్ ముఠా సభ్యులు దాడి చేసిన విషయం తెలిసిందే.
నకిలీ నోట్ల ముఠాను పట్టుకునే ప్రయత్నం చేసినప్పుడు ఇటీవల హైదరాబాద్ సమీపంలోని షామీర్‌పేటలో పోలీసులపైకి కాల్పులు జరిపి ఎల్లంగౌడ్ పారిపోయిన విషయం తెలిసిందే. అప్పటి నుంచి అతను అజ్ఞాతంలో ఉన్నాడు. షామీర్‌పేట వద్ద జరిగిన కాల్పుల్లో ఓ కానిస్టేబుల్‌తో పాటు ఎల్లంగౌడ్ అనుచరుడు మరణించిన విషయం తెలిసిందే. ఆ ఘటనలో కాల్పులు జరిపి పారిపోయిన ఎల్లంగౌడ్ కోసం పోలీసులు అప్పటి నుంచి గాలింపు జరుపుతూనే ఉన్నారు. ఈ నేపథ్యంలో మహారాష్ట్రలో ఎల్లంగౌడ్‌మ ఎస్ఓటి పోలీసులు అదుపులోకి తీసుకున్నారు.
