తెరపై 40 ఏళ్లు.. జీవితంలో 60 ఏళ్ళు... పద్మభూషణ్ చిరంజీవి
రాజకీయరంగం నుంచి మళ్లీ తిరిగి నటుడిగా రంగప్రవేశం చేయడానికి చిరంజీవి సన్నాహాలు చేసుకుంటున్నారు. ఇందుకు సంబంధించిన కథను సిద్దం చేసుకుంటుండగా ఆ కథ తనదని ఎన్‌ఆర్‌ఐ ప్రకటించడం.. అది పెద్ద చర్చకు తావివ్వడం జరిగింది. అనంతరం.. పూరీ జగన్నాథ్‌ ఈ చిత్రకథ తనదేనని వివరణ ఇవ్వడంతో సద్దుమణిగింది. ఈ కథ ఆటోజానీ తాను ఎప్పుడో రాసుకున్నట్లు ఆయన ప్రకటించారు. కాగా, ఇందులో చిరంజీవి 40 ఏళ్ళ బ్యాచిలర్‌గా ఓ పాత్రలో కన్పిస్తాడనీ, దానికి ఓ ష్లాఫ్‌బ్యాక్‌ వుంటుందని టాలీవుడ్ న్యూస్.
ఇదిలావుండగా... ఈసారి చిరంజీవికి ఈ ఏడాది ప్రత్యేకమైందిగా ఆయన సన్నిహితులు చెబుతున్నారు. ఆగస్టు 22న ఆయన పుట్టినరోజు నాడు తన 150వ చిత్రాన్ని ప్రకటిస్తారని అనుకుంటుండగా... ఆరోజుకు ఆయన షష్టిపూర్తికి చేరుకుంటున్నారు. అరవై సంవత్సరాలు రాబోతున్నాయి.
ఈ సందర్భంగా షష్టిపూర్తి మహోత్సవాన్ని వైభవంగా జరపాలని ఆయన కుటుంబసభ్యులు, అభిమానులు కూడా భావిస్తున్నట్లు తెలుస్తోంది. ఈ సందర్భంగా ఆయన అభిమానులు రాష్ట్రవ్యాప్తంగా పలు సేవా కార్యక్రమాలు చేపట్టనున్నట్లు తెలియవచ్చింది. ఆగస్టు 15 నుంచి 22 వరకూ జరుపడానికి సన్నాహాలు జరుగుతున్నాయి. త్వరలో ఆ వివరాలు తెలియనున్నాయి.
