రచయిత కానున్న బిగ్ బీ.. పెళ్ళిళ్లపై పుస్తకం రాస్తారట.. ట్వీట్..!
బాలీవుడ్ బిగ్ బీ అమితాబ్ బచ్చన్ కొత్త అవతారం ఎత్తనున్నారు! విభిన్నమైన పాత్రలతో తనలోని నటుడిని ఎప్పటికప్పుడు సరికొత్తగా ఆవిష్కరించుకుంటున్న 'బిగ్ బి' దృష్టి ఇప్పుడు రచనపై మళ్లినట్టుంది. త్వరలోనే ఆయనొక పుస్తకాన్ని రాయనున్నారట. ఈ విషయాన్ని ఆయన ట్విట్టర్‌లో తెలిపారు.
ఇంకా అందులో.. వివాహం అనేది ఓ వ్యవస్థ అని, గోవాలో బెంగాలీ కుటుంబ వివాహం... ఇలాంటివి తనను ఆకట్టుకుంటాయని ట్విట్టర్‌లో తెలిపారు. పెళ్లిళ్లే ఇతివృత్తంతా తానో పుస్తకం రాయాల్సి వచ్చేట్టుందని ఆయన ట్వీట్ చేశారు.
ఇటీవల అమితాబ్ క్రికెట్ వరల్డ్ కప్ లో కామెంటరీ చెప్పి, తనకు ఆ ఫీల్డ్ కొత్త అయినా, క్రికెట్ అభిమానులను ఉర్రూతలూగించిన సంగతి తెలిసిందే. ఇదే వరుసలో రైటర్ గానూ ఆయన మెప్పించడం ఖాయమని బాలీవుడ్ వర్గాల టాక్.
