దెయ్యంగా కనిపించనున్న ఎమీ జాక్సన్.. మాస్ సినిమాలో..?
'ఎవడు' సినిమా ద్వారా గ్లామరస్ తారగా తెలుగుతెరకు పరిచయమైన ఎమీ జాక్సన్ త్వరలో దెయ్యం వేషం ద్వారా ప్రేక్షకులను భయపెట్టనుంది. సూర్యా హీరోగా వెంకట్ ప్రభు దర్శకత్వంలో రూపొందుతున్న 'మాస్' సినిమాలో ఎమీ జాక్సన్ దెయ్యం రోల్ పోషిస్తోంది.
ఈ సినిమాలో తన పాత్ర నిడివి తక్కువగా వుందని ఆరోపిస్తూ, ఇటీవల ఆ ప్రాజక్టు నుంచి తప్పుకోవడానికి కూడా ఎమీ రెడీ అయింది. అయితే, దర్శకుడు ఆమెను కన్విన్స్ చేయడంతో మళ్లీ ఒప్పుకుంది.
సస్పెన్స్, హారర్ ప్రధానాంశాలుగా రూపొందుతున్న ఈ సినిమాలో ఈ చిన్నది ఘోస్ట్ పాత్ర పోషిస్తున్నట్టు వార్తలు వస్తున్నాయి. ఆమెపై సన్నివేశాలను బల్గేరియాలో చిత్రీకరిస్తారట. ఇందులో మరో కథానాయికగా నయనతార నటిస్తోంది.
