'సన్నాఫ్ సత్యమూర్తి'గా బన్నీ... త్వరలో కొత్త చిత్రం ఆరంభం..!
టాలీవుడ్ యంగ్ హీరో అల్లు అర్జున్, ప్రముఖ దర్శకుడు త్రిక్రమ్ శ్రీనివాస్‌ల కాంబినేషన్‌లో మరో కొత్త చిత్రం తెరకెక్కనుంది. గతంలో వీరిద్దరి కాంబినేషన్‌లో వచ్చిన జులాయి సినిమా సూపర్ హిట్ అయిన విషయం తెలిసిందే. ఇదిలా ఉండగా ఆ మధ్య పవన్ కల్యాణ్ నటించిన చిత్రానికి 'అత్తారింటికి దారేది' అంటూ సంప్రదాయ భిన్నంగా టైటిల్ పెట్టిన త్రివిక్రమ్ తన తాజా చిత్రానికి 'సన్నాఫ్ సత్యమూర్తి'గా నామకరణం చేశారు. ఇందులో అల్లు అర్జున్ హీరోగా నటించనున్నారు.
ఇప్పటికే ఈ చిత్రానికి 'త్రిశూలం', 'హుషారు', 'జాదుగర్' వంటి పేర్లు పరిశీలించినా చివరికి 'సన్నాఫ్ సత్యమూర్తి' టైటిల్‌ను ఖరారు చేసినట్లు సమాచారం. అయితే ఈ సినిమా దర్శక నిర్మాతలు మాత్రం సినిమా పేరును ఖరారు చేయలేదట. ఈ చిత్రంలో వెడ్డింగ్ ప్లానర్‌గా నటిస్తున్న బన్ని సరసన సమంతా, ఆదా శర్మ, నిత్యామీనన్‌లు హీరోయిన్లుగా నటిస్తున్నారు. కాగా ఈ పేరునైనా ఉంచుతారా... ఊడబెరికి వేరే పేరు పెడతారా అనే సందేహం టాలీవుడ్ వర్గాల్లో ఏర్పడింది.
