విడుదల చేసి సక్సెస్ సాధించాడు... దిల్ రాజు గుడి కట్టేశాడు...
దిల్ సినిమా తర్వాత దాన్ని ఇంటి పేరుగా చేసుకుని దిల్ రాజు అయిన నిర్మాత. తెలంగాణా వాడైనా.. తెలుగు నిర్మాతలతో కలిసి చెట్టాపట్టాలేసుకుని సినిమాలు తీసేస్తున్నాడు. నలుగురితో కలిసిపోయే రాజు.. చాలా సక్సెస్ సినిమాలు తీశాడు. శ్రీవేంకటేశ్వరుని భక్తుడైన ఆయన శ్రీవేంకటేశ్వర క్రియేషన్స్‌ పతాకంపైనే చిత్రాలు తీస్తుంటారు. తాజాగా ఆయన ఓ చేయి వేసి విడుదల చేసిన 'పిల్లా నువ్వులేని జీవితం' సక్సెస్ అయింది.
చిరంజీవి మేనట్లుడు సాయిధరమ్‌ తేజ హీరోగా నటించాడు. అయితే దిల్ రాజు ఎప్పటినుంచో తను పుట్టిపెరిగిన నిజామాబాద్‌లో ఓ దేవాలయాన్ని కట్టాలని కోరిక. అది నెరవేరింది. ఎట్టకేలకు దాన్ని పూర్తిచేశాడు. ఆధ్యాత్మిక గురువులు సమక్షంలో ఆ దేవాలయాన్ని రూపొందించారు. గురువారంనాడు చిత్ర యూనిట్‌ను తీసుకెళ్ళి వారిచేత పూజ చేయించే పనిలో వున్నాడు.
