మాట తప్పిన యువ జంట... అందుకు అంగీకరిస్తారా...!
దక్షిణాది చిత్ర సీమలో ప్రస్తుతం హాట్ టాపిక్ సమంత, సిద్దార్థ్లదే. రెండేళ్లుగా చెట్టాపట్టాలేసుకుని తిరిగిన ఈ యువ జంట ఇటీవల కటీఫ్ చెప్పుకున్న సంగతి తెలిసిందే. ఇక అసలు విషయానికి వస్తే. సమంత, సిద్దార్థ్లు కలిసి ఉన్నప్పుడు 'బెంగళూర్ డేస్' రీమేక్లో నటించేందుకు అంగీకరించారు.
అయితే ఇటీవల వారు విడిపోయిన తర్వాత నేను నటించడం లేదని హీరో సిద్ధార్థ్ స్టేట్మెంట్ ఇస్తే.., నేనూ నటించడం లేదన్నట్టు సమంతా కూడా మరో స్టేట్మెంట్ ఇచ్చింది. మీడియాలో ఈ వార్తలు విస్తృతంగా ప్రచారం కావడంతో ఈ చిత్రాన్ని రీమేక్ చేస్తున్న నిర్మాత తల పట్టుకున్నాడట.
ఇటీవల తామిద్దరం విడిపోయినప్పటికీ సినిమా మాత్రం తప్పకుండా చేస్తామని నిర్మాతకు వీరు మాట ఇచ్చారట. అయితే, ఇప్పుడిలా అర్థాంతరంగా చేతులెత్తేస్తున్నారని నిర్మాత ఆవేదన వ్యక్తం చేస్తున్నారు. అయినా పట్టువదలని విక్రమార్కుడిలా మళ్లీ వీళ్లిద్దర్నీ కాంటాక్ట్ చేస్తున్నాడని సమాచారం.
ఈ జంటను కన్విన్స్ చేసి, అందులో నటింపజేయాలని తీవ్ర ప్రయత్నాలు చేస్తున్నారట. మరి, సమంత, సిద్దార్థ్లు అందుకు అంగీకరిస్తారో లేదో వేచి చూడాల్సిందే.