జీహెచ్ఎంసీ నోటీసులు.. తమ తప్పులేదన్న వెంకటేష్
ప్రముఖ హీరో విక్టరీ వెంకటేష్ ఫిలింనగర్ రోడ్ నెం-1లో ఉన్న తన ఇంట్లో అనుమతులు లేకుండా అక్రమ కట్టడాలు నిర్మిస్తున్నారంటూ జీహెచ్ఎంసీ నోటీసులు పంపడం సంచలనం కలిగించింది.
అయితే దీనిపై విక్టరీ వెంకటేష్ కార్యాలయం గురువారం ఉదయం అధికారిక ప్రకటన విడుదల చేసింది. అందులో తాము ఆ స్థలాన్ని మున్నా యునైటెడ్ హాస్పిటాలిటీ అనే సంస్థకు సెప్టెంబర్లో అద్దెకు ఇచ్చామని ఆ ప్రకటనలో తెలిపింది. అయితే ఈ నోటీస్ నవంబర్లో వచ్చినందున తమ తప్పులేదని తెలిపింది. ఆ స్థలంలో కన్స్ట్రక్షన్ చేసుకునే వారు జీహెచ్ఎంసీ నుంచి అనుమతులు తెచ్చుకోవాల్సి ఉంది.
ఈ ఏడాది దృశ్యం హిట్తో యమా హ్యాపీగా ఉన్న వెంకీ ప్రస్తుతం పవర్స్టార్ పవన్కళ్యాణ్తో కలిసి గోపాలా.. గోపాలా సినిమాలో నటిస్తున్నాడు. షూటింగ్ చివరి దశలో ఉన్న ఈ సినిమా సంక్రాంతి కానుకగా ప్రేక్షకుల ముందుకు రానుంది.