''జురాసిక్ వరల్డ్'' అత్యద్భుతం.. వారం రోజుల్లోనే రూ. వంద కోట్లు దాటిన వసూళ్లు..
భారతదేశంలో విడుదలయ్యే సినిమాల్లో వంద కోట్ల రూపాయలు వసూలు చేయడం పెద్ద రికార్డు సృష్టించడమే అవుతుంది. ఆ కోవలో బాలీవుడ్ హీరో సల్మాన్ ఖాన్ నటించిన ''జైహో'' వసూళ్లు 100 కోట్లను దాటినప్పటికీ, కథ పరంగా అది బోల్తా కొట్టింది. దీంతో సల్మాన్ 175 కోట్ల వసూలు లక్ష్యం అందుకోలేకపోయింది. మరో బిగ్ హీరో అక్షయ్ కుమార్ నటించిన సినిమా వంద కోట్లను తాకడానికి నానారకాల తంటాలు పడుతుంటాయి.
ఈ స్థితిలో దేశంలో గతవారం విడుదలైన హాలీవుడ్ చిత్రం ''జురాసిక్ వరల్డ్'' వంద కోట్ల రూపాయలను వసూలు చేసి రికార్డుకెక్కింది. ఇంగ్లీషులో మాత్రమే కాకుండా హిందీ, తెలుగు, తమిళం వంటి ప్రాంతీయ భాషల్లో కూడా ఈ చిత్రాన్ని విడుదల చేశారు. దేశ వ్యాప్తంగా ఈ చిత్రం 2,108 థియేటర్లలో విడుదలైన ''జురాసిక్ వరల్డ్'' వారం రోజుల్లోనే 100 కోట్ల క్లబ్లోకి చేరడం విశేషం. మరి ఇదేవిధంగా హాలీవుడ్ రేంజ్లో టాలీవుడ్ దర్శకుడు రాజమౌళి రూపుదిద్దుతున్న ''బాహుబలి'' చిత్రం వంద కోట్ల క్లబ్లోకి చేరుతుందేమో చూడాలి.