శ్రీనువైట్ల దర్శకత్వంలో మహేష్ బాబు నటిస్తున్న ''ఆగడు'' సినిమాపై ఇప్పటికే భారీగా అంచనాలు పెరిగిపోయాయి. ఇటీవల విడుదలైన ఫస్ట్‌లుక్ ట్రైలర్‌కు వచ్చిన రెస్పాన్స్ చూస్తే అర్థమవుతుంది. ఇది డెఫినిట్‌గా ''దూకుడు''ను మించి విజయం సాధిస్తుందని అటు ఫిల్మ్‌నగర్‌లో, ఇటు అభిమానుల్లో టాక్ వస్తోంది. అయితే ఈ సినిమా విషయంలో మహేష్ టెన్షన్ పడుతున్నాడట.
ఆగడులో మహేష్‌కు జోడిగా తమన్నా నటిస్తున్న విషయం తెలిసిందే. ఈ ముద్దుగుమ్మ ఖాతాలో ఇటీవల ఒక్క హిట్టు సినిమా కూడా లేదు. తాజాగా ఈమె నటించిన సినిమాలు వరుసగా ప్లాప్ కావడంతో ఈ సెంటిమెంట్ తన సినిమాకు కూడా రిపీట్ అవుతుందేమోనని మహేష్ టెన్షన్ పడుతున్నాడట.
ఇటీవల తమన్నా నటించిన సినిమాల్లో హిట్ పర్సంటేజి కన్నా అట్టర్ ఫ్లాప్‌లు మాత్రం చాలానే వున్నాయి. పవన్ కెమేరామెన్ గంగతో రాంబాబు, అల్లు అర్జున్ బధ్రీనాధ్, రామ్ 'ఎందుకంటే ప్రేమంట', ఎన్టీఆర్ ఊసరవెల్లి, ప్రభాస్ రెబల్ ఈమె కెరియర్‌లో చెప్పుకోదగ్గ ఫ్లాప్‌లు. బాలీవుడ్‌లో ఆమె నటించిన 'హిమ్మత్ వాలా' కూడా ప్లాప్ కావడంతో తమన్నా ప్లాప్ హీరోయిన్‌గా మారిపోయింది. మరి తమన్నా ఈ ప్లాప్ హీరోయిన్ ముద్రను ఆగడుతో చెరిపేసుకుంటుందో లేక సెంటిమెంట్‌ను రిపీట్ చేస్తుందో వేచి చూడాలి.
