దాసరికి వయసైపోయిందా...? అలా అనేవారికి... మోహన్ బాబు
ఎర్రబస్సు ఆడియోలో కృష్ణంరాజు, కలెక్షన్ కింగ్ మోహన్ బాబు దర్శకరత్న దాసరి నారాయణరావును పొగడ్తల్లో ముంచేశారు. మోహన్ బాబు మాట్లాడుతూ... దాసరికి వయసైపోయింది, ఇంకేం సినిమాలు తీస్తారు? అని చెప్పే చాలామందికి సమాధానమే ఈ ఎర్రబస్సు అని అన్నారు.
'ఎర్రబస్సు' ఆడియో విడుదలలో మోహన్ బాబు మాట్లాడారు. "వయసు ఎవరికి అయిపోదు..? వయసు పెరుగుతున్నా నిబద్ధతతో ఆయన అనుకున్న బడ్జెట్ లో అనుకున్న సమయానికి షూటింగ్ పూర్తి చేస్తారు. తెలుగు సినిమాలను నిర్మించి ఓ మార్క్ క్రియేట్ చేసింది దాసరి నారాయణ రావుగారు. కొన్ని వందల సినీ ఇళ్లలో దీపం వెలిగించారు. వందేళ్లపాటు దాసరి ఆయురారోగ్యాలతో చల్లగా ఉండాల"ని మోహన్ బాబు వెల్లడించారు.
