శుక్రవారం, 29 మార్చి 2024
  1. వినోదం
  2. తెలుగు సినిమా
  3. కథనాలు
Written By ivr
Last Modified: గురువారం, 20 నవంబరు 2014 (12:45 IST)

రజినీకాంత్ పాతమాట కొత్తగా.... రాజకీయాల్లోకి రాను....

దక్షిణాది సూపర్ స్టార్ రజినీకాంత్ పొలిటికల్ ఎంట్రీపై మరోసారి క్లారిటీ ఇచ్చారు. పాతమాటను మళ్లీ మరోసారి కొత్తగా చెప్పారు. తన రాజకీయ రంగ ప్రవేశంపై చెలరేగుతున్న ఊహాగానాలకు సినీ నటుడు, సూపర్ స్టార్ రజనీకాంత్ తెరదించారు.
 
45వ అంతర్జాతీయ చలచిత్రోత్సవాల్లో పాల్గొనేందుకు గోవా వచ్చిన సందర్భంగా ఆయన మీడియాతో మాట్లాడుతూ..  రాజకీయాల్లో చేరే ప్రసక్తే లేదని గురువారం ఆయన కుండబద్దలు కొట్టారు. "నో, నెవర్...నో పాలిటిక్స్ ఫర్ మి" అంటూ ఆయన రాజకీయాల్లోకి ఎప్పటికీ అడుగు పెట్టబోనని తేల్చిచెప్పారు. 
 
కాగా, తన తాజా చిత్రం 'లింగ' ఆడియో వేడుక సందర్భంగా రాజకీయాలంటే తనకేమీ భయం లేదని ప్రకటించిన రజనీ, ఆయన రాజకీయ రంగ ప్రవేశంపై ఆసక్తి చూపుతున్న వారిలో అలజడి రేపారు. అయితే గురువారం గోవాలో రజనీ చేసిన ప్రకటన అందుకు విరుద్ధంగా ఉండటం విశేషం. నాడు వేదికపై పలువురి అభ్యర్థన మేరకే రాజకీయాలపై రజనీ స్పందించారన్న వాదన వినిపిస్తోంది.