వీణామాలిక్కి 26 సంవత్సరాల జైలు... తప్పించుకుంటుందా...?
కొన్ని బాలీవుడ్ చిత్రాలలో నటించిన పాకిస్థానీ హీరోయిన్ వీణా మాలిక్కి పాకిస్థాన్ తీవ్రవాద వ్యతిరేక కోర్టు 26 సంవత్సరాల కఠిన కారాగార శిక్ష విధించినట్లు వచ్చిన వార్తలు బాలీవుడ్ ను షాక్ చేసింది. కాగా పాకిస్థాన్లోని జియో టీవీలో దైవదూషణ చేసే కార్యక్రమంలో పాల్గొన్నందుకు వీణామాలిక్కి కోర్టు ఈ శిక్ష విధించినట్లు తెలుస్తోంది. వీణా మాలిక్తోపాటు ఆమె భర్త బషీర్, టెలివిజన్ యాంకర్ షకి ష్టా వాహిది జియో టీవీ అధిపతి మీర్ షకీల్-ఉర్-రెహ్మాన్లకు కూడా ఇదే శిక్ష విధించింది.
అసలు జరిగింది ఏమంటే... ఈ మధ్యనే వివాహం చేసుకున్న వీణా మాలిక్, ఆమె భర్త, దుబాయికి చెందిన పారిశ్రామిక వేత్త అసద్ బషీద్లు జియో టీవి ఛానెల్ ఆహ్వానం మేరకు ఓ కార్యక్రమానికి ముఖ్య అతిథులుగా వెళ్లారు. ఈ సందర్భంగా బ్యాక్ గ్రౌండ్లో ఓ పాటను ప్లే చేశారు. ఆ పాటకు వీణామాలిక్, ఆమె భర్త అసద్ బషీద్లు డాన్స్ చేసారు. అది ముస్లిం మతానికి చెందిన పవిత్రమైన పాట.
ఈ షో ద్వారా దైవాన్ని అవమానించారని పలువురు ఫిర్యాదు చేయటంతో వీరిపై క్రిమినల్ కేసులు నమోదు అయ్యాయి. దోషులకు 26 ఏళ్ల పాటు జైలుశిక్షతో పాటు రూ.13 లక్షల జరిమానా విధిస్తున్నట్టు కోర్టు తన తీర్పులో పేర్కొంది.