శుక్రవారం, 29 మార్చి 2024
  1. వినోదం
  2. తెలుగు సినిమా
  3. కథనాలు
Written By Selvi
Last Updated : ఆదివారం, 14 సెప్టెంబరు 2014 (16:24 IST)

అత్తారింటికి దారేది: అవార్డుల పంట పండించిందోచ్!

పవన్ కల్యాణ్ నటించిన 'అత్తారింటికి దారేది' సినిమా అవార్డుల పంట పండించింది. కౌలాలంపూర్‌లో జరిగిన సైమా అవార్డుల వేడుకలో ఈ చిత్రం మొత్తం ఆరు విభాగాల్లో అవార్డులు కైవసం చేసుకుంది. ఇక ఉత్తమ నటుడి అవార్డు మహేష్ బాబుని వరించింది. 'సీతమ్మ వాకిట్లో సిరిమల్లె చెట్టు' చిత్రంలోని అభినయానికి గాను ఆయన అవార్డు అందుకున్నారు.
 
ఉత్తమనటిగా సమంత (అత్తారింటికి దారేది), ఉత్తమ దర్శకుడుగా త్రివిక్రమ్ శ్రీనివాస్ (అత్తారింటికి దారేది), ఉత్తమ చిత్రంగా 'అత్తారింటికి దారేది', ఉత్తమ సంగీత దర్శకుడుగా దేవిశ్రీ ప్రసాద్ (అత్తారింటికి దారేది), ఉత్తమ హాస్యనటుడుగా బ్రహ్మానందం (బాద్షా), ఉత్తమ చాయాగ్రాహకుడుగా ప్రసాద్ మూరెళ్ళ (అత్తారింటికి దారేది), ఉత్తమ సహాయనటుడుగా సునీల్ (తడాఖా), ఉత్తమ తొలిచిత్ర దర్శకుడుగా కొరటాల శివ (మిర్చి) అవార్డులు స్వీకరించారు.
 
ఇక, లైఫ్ టైం అచీవ్ మెంట్ అవార్డును కె.రాఘవేంద్రరావు అందుకోగా, మంత్రిగా పర్యాటక రంగానికి చేసిన సేవలకు గాను మలేసియా పర్యాటక శాఖ, సైమా కలసి సంయుక్తంగా చిరంజీవికి పురస్కారాన్ని ప్రదానం చేశాయి. 
 
రెండు రోజుల పాటు కన్నుల పండువగా జరిగిన ఈ వేడుకల్లో శ్రియా, రెజీనా, ఆదా శర్మ వంటి ముద్దుగుమ్మల డ్యాన్సులు ... దేవిశ్రీ ప్రసాద్ సంగీతం ప్రేక్షకులను ఎంతో ఆకట్టుకుంది.