శుక్రవారం, 29 మార్చి 2024
  1. వినోదం
  2. తెలుగు సినిమా
  3. కథనాలు
Written By PNR
Last Updated : సోమవారం, 22 డిశెంబరు 2014 (11:20 IST)

మరో వివాదంలో 'లింగ' చిత్రం : పబ్లిసిటీ కోసమేనా?

తమిళ సూపర్ స్టార్ రజనీకాంత్ నటించిన 'లింగ' చిత్రం మరో వివాదంలో చిక్కుకుంది. ఈ చిత్రంలో ఒక సన్నివేశం, అందులోని సంభాషణలు ఒక వర్గాన్ని కించపరిచేలా ఉన్నాయంటూ వచ్చిన విమర్శలపై దర్శక, నిర్మాతలు, రచయిత స్పందించారు. ఆ సన్నివేశాలను, సంభాషణలనూ చిత్రం నుంచి తొలగించినట్టు నిర్మాత 'రాక్లైన్' వెంకటేశ్ ఈ విషయాన్ని వెల్లడించారు.
 
కాగా అన్నివర్గాల ప్రేక్షకులు సినిమాకు ముఖ్యులేనని, సినిమా ద్వారా సమాజంలోని ఏ వర్గాన్నీ కించపరచాలనే ఉద్దేశం తమకు లేదనీ, అయితే పొరపాటున ఎవరి మనోభావాలనైనా నొప్పించి ఉంటే అందుకు మన్నించాలని 'లింగ' చిత్రానికి తెలుగులో సంభాషణలు అందించిన రచయిత శశాంక్ వెన్నెలకంటి పేర్కొన్నారు. ఈ మేరకు ఆయన ఒక పత్రికా ప్రకటన చేశారు. పెద్ద మనసుతో 'లింగ' చిత్రంపై వివాదానికి ఇంతటితో తెర దించాల్సిందిగా అన్ని వర్గాలనూ శశాంక్ ఈ సందర్భంగా అభ్యర్తించారు. 
 
కాగా, ఈ చిత్రం ఇప్పటికే బాక్సాఫీసు వద్ద బోల్తాకొట్టిన విషయం తెల్సిందే. భారీ మొత్తంలో చెల్లించిన కొనుగోలు చేసిన అనేక మంది డిస్ట్రిబ్యూటర్లు తాము తీవ్రంగా నష్టపోయినట్టు గగ్గోలు పెడుతున్నారు. ఇదే అంశంపై చిత్ర హీరో రజనీకాంత్‌తో వారంతా సోమవారం చెన్నైలో సమావేశం కానున్నారు.