శుక్రవారం, 29 మార్చి 2024
  1. వినోదం
  2. తెలుగు సినిమా
  3. కథనాలు
Written By CVR
Last Updated : గురువారం, 16 ఏప్రియల్ 2015 (13:03 IST)

డేటింగ్ రికార్డ్... 30 మందితో రానా సహజీవనం..!

భారత దేశంలోకి డేటింగ్ కల్చర్ వచ్చి చాలా కాలమే అయినా, అది తెలుగువాళ్లకు మాత్రం అంతగా అంటుకోలేదు. బాలీవుడ్ సినీ స్టార్స్‌లో పలువురు డేటింగ్ కల్చర్‌ను ఫాలో అవుతుంటే, టాలీవుడ్ నటీనటులు మాత్రం ఆమడంత దూరంలో ఉంటున్నారనే వార్తను యంగ్ హీరో రానా బ్రేక్ చేస్తున్నాడు. 
 
ఈ మధ్యనే 30వ వడిలోకి అడుగుపెట్టిన రానా, సినిమాల్లోకి వచ్చి చానాళ్లే అయినా సరైన హిట్టు ఒక్కటి కూడా అందుకోలేదు. అయితేనేం పుకార్లలో మాత్రం ఎప్పుడూ ముందుంటాడు. తాజాగా ఓ ఆంగ్ల పత్రిక నిర్వహించిన కాంపిటేషన్‌లో 'మోస్ట్ డిజైరబుల్ మెన్‌'గా రానా ఎన్నికయ్యాడు. 
 
ఆ సందర్భంగా రానా ఇచ్చిన ఇంటర్వ్యూలో ఆసక్తికరమైన విషయాన్ని వెల్లడించాడు. చాలామంది హీరోయిన్లతో మీ పేరు లింక్ పెట్టి ప్రచారం జరిగింది కదా.. అని అంటే ఏమాత్రం సిగ్గుపడకుండా ఆవునని తెలిపిన రానా, వాటిలో కొన్ని నిజాలు ఉన్నాయని, కానీ పుకార్లు, అబద్దాలే ఎక్కువ తెలివిగా సమాధానం ఇచ్చాడు. 
 
ఇంతకీ ఎంతమంది అమ్మాయిలతో డేటింగ్ చేశావు అని అడిగితే.. సింపుల్‌గా 30 మందితో అని చెప్పి అందరికి ఆశ్చర్యాన్ని కలిగించాడు. ఆ వెంటనే నవ్వుతూ అంతమందితో నా పేరు లింక్ చేసి పుకార్లు పుట్టించారు, అవన్నీ నిజం కాదని అంటూ కొసమెరపు ఇచ్చాడు. మొత్తంమీద పుకార్లు వచ్చిన అందరితో కాకపోయిన వారిలో కొందరితో సహజీవనం చేసిన విషయాన్ని రానా పరోక్షంగా అంగీకరించాడు.