రామ్‌తో రాశిఖన్నా రొమాన్స్: శివంలో హీరోయిన్‌గా..
రామ్‌తో రాశిఖన్నా రొమాన్స్ చేయనుంది. రాశిఖన్నా టైం బాగుండటంతో వరుసగా ఆమెరు ఆఫర్లు వచ్చిపడుతున్నాయ్. 'ఊహలు గుసగుస లాడే' సినిమా విజయంతో ఈ ముద్దుగుమ్మను టాలీవుడ్ ఆఫర్లతో ముంచెత్తుతోంది. ఇప్పటికే గోపీచంద్ సరసన 'జిల్' సినిమాలో నటిస్తోంది.
మరోవైపు రవితేజ సినిమాకు కూడా ఎంపికైంది. సంపత్ నంది దర్శకత్వంలో రవితేజ హీరోగా నటించే 'బెంగాల్ టైగర్' చిత్రంలో ఓ కథానాయికగా నటించనుంది. అలాగే తాజాగా రామ్ సరసన కూడా ఓ ఆఫర్ పొందింది.
నూతన దర్శకుడు శ్రీనివాసరెడ్డి రూపొందించే 'శివం' సినిమాలో రాశి కథానాయికగా నటిస్తుంది. అలాగే, మరికొన్ని ఆఫర్లు కూడా చర్చల దశలో వున్నాయని టాలీవుడ్ వర్గాల సమాచారం.
