వర్మ జీవిత కథ.. 'నేను నేనే రామునే'.. 'బుద్ధిమంతులకు మాత్రమే'..!
వివాదాలకు నిలయమైన ప్రముఖ దర్శకుడు రాంగోపాల్ వర్మ జీవిత కథ వెండితెరపై రాబోతోంది. ఈ సినిమా 'నేను నేనే రామునే' పేరిట రూపొందింది. ఈ చిత్రానికి రత్నాచారి పమ్మి దర్శకత్వం వహించాడు. ఈ నెల 28న ఈ చిత్రాన్ని రిలీజ్ చేస్తున్నట్టు, 'బుద్ధిమంతులకు మాత్రమే' అనే ట్యాగ్ లైన్ పెట్టినట్టూ దర్శకుడు తెలిపారు.
ఈ సినిమా తీసే ముందు తాను రాంగోపాల్ వర్మని కలిసి విషయం చెప్పానని, 'నేను అందరి జీవిత చరిత్రలూ తీస్తున్నప్పుడు నువ్వు నా చరిత్ర తీయడంలో తప్పులేద'ని చెప్పి ప్రోత్సహించారని దర్శకుడు చెప్పారు.
వర్మకి చాలా మంది అభిమానులున్నారనీ, వారంతా చూసినా ఈ సినిమా హిట్టవుతుందని దర్శకుడు అన్నారు. వర్మకి ఎంతో ఇష్టమైన శ్రీదేవి పాత్రను తానిందులో పోషించానని సందీప్తి చెప్పింది.
